تەڭگە باعامىنىڭ وزگەرۋىنە قاتىستى "حابار 24" تەلەارناسىنا پىكىر بىلدىرگەن ەكونوميست سەرگەي دومنين ۆوليۋتا باعامىنا قاتىستى تۇسىنىكسىز جاعدايدى كورىپ تۇرىپ، بىردەن ايىرباستاۋ پۋنكتىنە بارۋ كەرەك ەمەس دەيدى.

دومنين مۇناي قۇنى، رۋبل باعامى تومەندەگەنىن، سونداي-اق تەڭگە باعامىندا وزگەرىس ورىن العانىن اتاپ ءوتتى.

"كوپ جاعدايدا كۇيگەلەكتىك سالدارىنان بولعان اۋىتقۋلار ورىن الۋدا، ياعني بىرەۋلەر ءۇشىن بۇل سپەكۋلياتيۆتىك بولىپ وتىر. ولار وسىنداي جاعدايدى تۋىنداتۋدا. مەنىڭ ويىمشا، جاعداي تۇزەلۋى ءتيىس" دەدى ول.

سونىمەن قاتار ول حالىققا بىرنەشە قاراپايىم كەڭەسىن بەردى.

"بىرىنشىدەن، باعامعا قاتىستى تۇسىنىكسىز جاعدايدى كورىپ تۇرىپ، بىردەن ايىرباستاۋ پۋنكتىنە بارۋ كەرەك ەمەس. ويتكەنى ۆاليۋتا ايىرباستاۋ ورىندارىنا ءبىرىنشى بولىپ بارعاندار، ۆايۋتانى ايىرباستايتىندار ءۇشىن قوسىمشا تابىس جاساۋعا مۇمكىندىك بەرەدى. ەكىنشىدەن، ادامدار ءوز شىعىندارىن جوسپارلاۋمەن اينالىسۋى كەرەك، ياعني قادامداردى ۇزاق مەرزىمگە بەلگىلەۋ قاجەت" دەدى ەكونوميست.

9 ناۋرىزدا، الەمدە مۇناي باعاسى كۇرت تۇسكەن تۇستا، قازاقستانداعى اقشا ايىرباستاۋ پۋنكتەرىندە ءبىر دوللاردىڭ قۇنى 397 تەڭگەدەن ساتىلا باستادى. تۇستەن كەيىن نۇر-سۇلتان مەن الماتىداعى كەيبىر اقشا ايىرباستاۋ ورىندارى دوللار ساتۋدى توقتاتتى.