بۇل تۋرالى Qamshy.kz اقپارات اگەنتتىگى ۇلتتىق بانكتىڭ باسپا ءسوز قىزمەتى دەرەگىن نەگىزگە الا وتىرىپ حابارلايدى.  

بانك حابارلاماسىندا اليۋتا ايىرباستاۋعا موراتوريي جاريالانعانى جايلى جاڭالىققا تۇسىنىكتەمە دە بەرىلگەن.

«قولما-قول اقشامەن ايىرباستاۋ وپەراسيالارىن جۇرگىزۋگە تولىق موراتوريي ەنگىزۋ تۋرالى اقپارات شىندىققا جاناسپايدى. تاراتىلعان قۇجاتتا ۇلتتىق بانك ءتوراعاسىنىڭ قولتاڭباسى، ءمور مەن شىعىس ءنومىرى جوق»، – دەپ حابارلادى ۇلتتىق بانكتىڭ باسپا ءسوز قىزمەتى.

♦ۇكىمەت پەن ۇلتتىق بانك ۇندەۋ جولدادى

سونىمەن بىرگە، اتالعان بانك حالىقتى جالعان اقپاراتتارعا الدانىپ، نەگىزسىز دۇرلىكپەۋگە شاقىرادى. ءارى بۇل جاعدايعا بايلانىستى بارلىق اقپاراتتىڭ رەسمي سايتتا جاريا ەتىلىپ وتىراتىنى دا ايتىلعان.  

ەسكە سالا كەتەيىك، 9 ناۋرىز كۇنى دوللار كۇرت قىمباتتاعاننان كەيىن، الەۋمەتتىك جەلىلەردە ۇلتتىق بانك باسشىسىنىڭ وكىمى دەلىنگەن اقپارات تاراعان بولاتىن. وندا 10-13 ناۋرىز ارالىعىندا ايىرباستاۋ وپرەاسيالارىن جۇرگىزۋگە تولىق تىيىم سالىنعانى ايتىلعان.

وقي وتىرىڭىز: وپەك+ ساياساتى قازاقستان مەن رەسەيدى قاق جاردى