اۋديتورلار 44 ملرد تەڭگە كولەمىندە بيۋدجەت قاراجاتىن جۇمساۋدا قارجىلىق بۇزۋشىلىقتاردى انىقتادى. بۇل تۋرالى پرەمەر-مينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ ايتتى. 

– ەسەپتى كەزەڭدە 334 اۋديتورلىق ءىس-شارا جۇرگىزىلدى. تەكسەرۋ 187 ملرد تەڭگە بيۋدجەت قاراجاتىن قامتىدى. قارجىلىق بۇزۋشىلىقتار 44 ملرد تەڭگە كولەمىندە انىقتالدى. ونىڭ ىشىندە 38 ملرد تەڭگە تاۋارلاردى جەتكىزۋ، قىزمەتتەر كورسەتۋ جانە جۇمىستاردى ورىنداۋ، وتەماقى ارقىلى جويىلدى، – دەدى سمايىلوۆ.

ۇكىمەت وتىرىسىندا ول رەسپۋبليكالىق بيۋدجەتتىڭ شىعىستارى 2،1 ترلن تەڭگەنى قۇراعانىن اتاپ ءوتتى.

– مەملەكەتتىك بيۋدجەتتىڭ شىعىستارى 96،5%-عا، رەسپۋبليكالىق بيۋدجەت 97،1%-عا، جەرگىلىكتى بيۋدجەتتەر 96،9%-عا ورىندالدى. 62 ملرد تەڭگە ورىندالمادى، ونىڭ 10 ملرد تەڭگەسى ۇنەمدەلدى. يگەرىلمەگەن قاراجات كولەمى 52 ملرد تەڭگەنى قۇرادى، – دەپ ايتتى مينيستر.