قازاقستاندا كەدەندىك باج بەن قىتايدان كەلەتىن تاۋار يمپورتىنان تۇسەتىن سالىق 12 پايىزعا نەمەسە 2،1 ملرد تەڭگەگە كەمىدى. بۇل تۋرالى ۇكىمەت وتىرىسىندا قارجى ءمينيسترى ءاليحان سمايلوۆ ءمالىم ەتتى.

قارجى ءمينيسترىنىڭ سوزىنشە، كوروناۆيرۋس ەپيدەمياسى يمپورتتان تۇسەتىن قوسىمشا قۇن سالىعىنا تەرىس اسەرىن تيگىزۋدە. جىل باسىنان بەرگى ەكى ايدا ءتۇسىم جوسپارى 66،2 پايىزعا عانا ورىندالىپ، بيۋدجەتكە 173 ملرد تەڭگە كولەمىندە قارجى تۇسكەن.

– قىتايمەن يمپورت 2019 جىلعى سايكەس كەزەڭمەن سالىستىرعاندا 11 پايىزعا تومەنتەگەن. ناقتى كولەم 27 پايىزعا ازايعان. سونىڭ سالدارىنان كەدەندىك باج بەن يمپورت سالىعى 12 پايىزعا (2،1 ملرد تەڭگە) ازايدى، – دەدى مينيستر.

سوگنداي-اق ەكى ايدا اۆتوكولىك قوزعالىسى 24 پايىزعا، تەمىرجول قوزعالىسى 14 پايىزعا قىسقارعان.