قىتايدا كوروناۆيرۋستىڭ جاڭا ءتۇرىن جۇقتىرعانداردىڭ 76 پايىزى ەمدەلىپ شىقتى. قازىرگى ۋاقىتتا اۋرۋحانالاردا شامامەن 16 مىڭ پاسيەنت جاتىر. بۇل تۋرالى قىتايدىڭ دەنساۋلىق ساقتاۋ مەملەكەتتىك كوميتەتى مالىمدەدى.

سوڭعى مالىمەتتەرگە سايكەس، قىتايدا كوروناۆيرۋستىق ينفەكسيانىڭ راستالعان جاعدايلارىنىڭ سانى 80،778-گە جەتتى، ولاردىڭ 61 475ء-ى ەمدەلىپ، اۋرۋحانالاردان شىعارىلدى، بۇل جالپى جاعدايلاردىڭ 76،1 پايىزىن قۇرايدى. ءقازىر اۋرۋحانالاردا ەمدەلۋشى ناۋقاستار سانى 16 145، ولاردىڭ 4 492 اۋىر حالدە.

ەپيدەميا باستالعاننان بەرى حۋبەي پروۆينسياسىن قوسپاعاندا، بۇكىل جۇڭگو بويىنشا 13000 جۇقتىرۋ وقيعاسى تىركەلدى، ولاردىڭ 112ء-سى قايتىس بولدى، ينفەكسيادان قۇربان بولعاندار 0،86 پايىزدى قۇرايدى. حۋبەي پروۆينسياسىنىڭ وزىندە 67،773 جۇقتىرۋ وقيعاسى انىقتالدى، 2959 ادام قايتىس بولدى، قۇربان بولعاندار 4،49 پايىزدى قۇرادى. سونىمەن قاتار، ۋحاندا ىندەتتەن كوز جۇمعاندار 4،85 پايىزدى قۇرايدى.

جالپى، ىندەت 3158 ادامنىڭ ءومىرىن قيدى، ەلدە ءولىمنىڭ ورتاشا دەڭگەيى 3،9 پايىز.

سوڭعى مالىمەتتەرگە سۇيەنسەك، قىتايداعى ەپيدەميولوگيالىق جاعداي جاقسارىپ كەلەدى، سوڭعى 24 ساعات ىشىندە بۇكىل ەلدە تەك 24 جاڭا ينفەكسيا وقيعاسى انىقتالدى، ولاردىڭ 10-ى باسقا ەلدەردەن بولسا، 13ء-ى حۋبەي پروۆينسياسىندا تىركەلدى.