ق ر دەنساۋلىق ساقتاۋ مينيسترلىگى قازاقستانداعى كوروناۆيرۋس بويىنشا ەپيدەميولوگيالىق جاعداي تۋرالى سوڭعى دەرەكتەردى ۇسىندى.

قحر مەن شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا.
⠀
4650 ادامعا مونيتورينگ جۇرگىزىلدى، ونىڭ ىشىندە 1 «ا» ساناتى بويىنشا – 1217، 1 «ب» ساناتى بويىنشا – 189، 2 سانات بويىنشا – 3244 ادام مەديسينالىق باقىلاۋدا بولدى.
⠀
بارلىعى 676 ادام باقىلاۋدان الىندى. 11 ناۋرىزداعى جاعداي بويىنشا بارلىعى 3974 ادام باقىلاۋدا تۇر.
⠀
11 ناۋرىزعا بارلىعى 90 ادام دەنە قىزۋىمەن جانە جرۆي-مەن، ونىڭ ىشىندە 1 «ب» ساناتى بويىنشا – 20 ادام، 2-سانات بويىنشا – 36 ادام، 3-سانات بويىنشا – 34 ادام ەمدەۋگە جاتقىزىلدى. ەمدەۋگە جاتقىزىلعان 90 ادامنىڭ ىشىنەن 52 ادام شىعارىلدى. 38 ادام ستاسيوناردا جاتىر.

الەمدەگى ەپيدەميولوگيالىق جاعداي

دۇنيە ءجۇزى بويىنشا 117 مەملەكەتتە 38140 ادام كوروناۆيرۋستىق ينفەكسيا جۇقتىردى.

ەپيدەميا وشاعى قىتايدى قوسپاعاندا 1135 ناۋقاس قايتىس بولدى:

يتاليادا – 463، يراندا – 291، وڭتۇستىك كورەيادا – 60، كرۋيز لاينەردە – 7،
جاپونيادا – 10، اقش – 30، فرانسيادا – 33، يسپانيادا – 36، يراكتا – 7، گونكونگتا – 3، فيليپپيندە – 1، تايلاندتا – 1، اۆستراليادا – 3، سان-مارينودا – 2، ۇلىبريتانيادا – 6، نيدەرلاندتا – 4، تايۆاندا – 1، ارگەنتينادا – 1، مىسىردا – 1، گەرمانيادا – 2، كانادا – 1، ليۆاندا – 1، ماروككودا – 1، شۆەيساريا – 2 ادام.
⠀
ينفەكسيا جۇقتىرعاندار سانى كۇن سايىن 13،7 پايىزعا، ءولىم-جىتىم – 2،9 پايىزعا ارتىپ وتىر.

قاۋىپتىلىگى جاعىنان 1 «ا» ساناتىنا كىرەتىن ەلدەر:

وڭتۇستىك كورەيادا – 7513 ادام ىندەتكە شالدىققان؛ يراندا – 8042 جاعداي تىركەلگەن.

1 «ب» ساناتىنا كىرەتىن ەلدەر:

يتاليادا – 10149 ادام جۇقتىرعان.

ال قىتايدا – 80 مىڭ 778 كوروناۆيرۋس جاعدايى تىركەلگەن، ونىڭ ىشىندە – 3 مىڭ 158 ولىممەن اياقتالعان (ءولىم كورسەتكىشى – 3،9%). 61 مىڭ 475 ادام ساۋىعىپ شىعارىلدى (76،1%). ستاسيونارلاردا 16 مىڭ 145 ناۋقاس قالىپ وتىر.

قازاقستان رەسپۋبليكاسى دەنساۋلىق ساقتاۋ مينيسترلىگى جاڭا كوروناۆيرۋس ينفەكسياسىنىڭ تارالۋىن بولدىرماۋ ءۇشىن كەلەسى الدىن-الۋ شارالارىن ساقتاۋ قاجەت:
- قولدارىڭىز بەن بەتتى سابىنمەن ءجيى جانە مۇقيات جۋىڭىز؛
- قولدى زالالسىزداندىرۋدا ءسپيرتتى انتيسەپتيكتەردى قولدانۋ؛
- ادامدار كوپ جينالاتىن ورىنداردان اۋلاق بولىڭىز؛
- ناۋقاس ادامدارمەن بايلانىستا بولماۋعا؛
- سۋىق تيۋ بەلگىلەرى (جوعارى تەمپەراتۋرا، مۇرىننىڭ بىتەلۋى، جوتەل، تاماقتىڭ اۋرۋى) پايدا بولعان جاعدايدا، تۇرعىلىقتى جەرىڭىز بويىنشا دارىگەرمەن كەڭەسۋ كەرەك.

رەسمي اقپاراتتى دەنساۋلىق ساقتاۋ مينيسترلىگىنىڭ فەيسبۋكتەگى پاراقشاسىنان وقي الاسىزدار جانە تۋىنداعان سۇراقتار بويىنشا 1406 ءنومىرى بويىنشا تاۋلىك بويى جۇمىس ىستەيتىن Call-ورتالىعىنا قوڭىراۋ شالۋعا بولادى.