الايدا بۇل كەزدەسۋدىڭ جاي-جاپسارى تۋرالى ازىرگە ساياسي ناقتى بولجام جاسالعان جوق. ادەتتەگىدەي ەكىجاقتى كەزدەسۋدىڭ قىسقا-نۇسقا بايانى Elbasy.kz سايتىندا جاريا ەتىلدى.
رەسمي اقپارات دەرەگى بويىنشا، ن. نازاربايەۆ قازاقستان مەن رەسەي سەنىمدى سەرىكتەس بولىپ قالا بەرەتىنىن مالىمدەگەن. سونىمەن بىرگە، بىتە قويماس "ءالاۋلايىم" اتانعان ەاەو ماسەلەلەرى دە قوپسىتىلعان. ەكەۋارا.
"ينتەگراسيالىق بىرلەستىك جۇمىس ىستەيدى. ۇيىمنىڭ بولاشاعى زور دەپ سانايمىن. قۇرمەتتى ءتوراعا رەتىندە مەن وداقتىڭ ودان ءارى دامۋىنا ىقپال ەتەتىن بولامىن، - دەدى نۇرسۇلتان نازاربايەۆ.
قازاقستان ەكسباسشىسىنىڭ "ىقپال ەتەتىن بولامىن" دەگەن سوزىنەن سوڭ ۆلاديمير پۋتين دە قاراپ قالماعان سىڭايلى. ءوز كەزەگىندە ول نازاربايەۆتىڭ ينتەگراسيالىق ۇدەرىستەردى دامىتۋعا جانە ەكى ەل اراسىنداعى ستراتەگيالىق ارىپتەستىكتى نىعايتۋعا قوسقان ۇلەسىن اتاپ وتكەن.
سويتكەن دە ءوزىنىڭ قازاقستاننىڭ قازىرگى پرەزيدەنتى توقايەۆپەن ءجيى كەزدەسىپ تۇراتىنىن ايتقان:
"ءبىز پرەزيدەنت قاسىم-جومارت توقايەۆپەن ۇنەمى كەزدەسەمىز. ەكى ەل ۇكىمەتى تابىستى جۇمىس ىستەپ جاتىر. وتكەن جىلى تاۋار اينالىمى 19،7 پايىزعا ءوسىپ، 20 ملرد دوللارعا جەتتى. بۇل جاقسى كورسەتكىش، - دەدى رەسەي پرەزيدەنتى.
ال تاۋەلسىز ساراپشىلار بۇل ماسەلەدە پۋتين ۇكىمەتى تەرىس قاباق تانىتىپ، قازاقستان قولداعان وپەك+ شەشىمى، ياعني، مۇناي ءوندىرۋ كولەمىن قىسقارتۋ توڭىرەگىندەگى داۋلى ماسەلە كەزدەسۋدە ايتىلماۋى مۇمكىن ەمەستىگىن، بۇنداي بولعان جاعدايدا ماسكەۋ ءبىر وداقتا (ەاەو) بايلانعان ەلدەر اراسىندا مۇناي ساياساتى دا ورتاق بولۋى كەرەكتىگىن ەسكەرتتى دەگەن بولجامدا.
ءارى قاراي وقي وتىرىڭىز: وپەك+ ساياساتى قازاقستان مەن رەسەيدى قاق جاردى
پىكىر قالدىرۋ