مەملەكەتتىك قىزمەت ىستەرى اگەنتتىگىنىڭ ءتورايىمى انار جايىلعانوۆا كوروناۆيرۋسقا بايلانىستى مەملەكەتتىك قىزمەتكەرلەردىڭ جۇمىس كۇنىن قىستارتۋ ماسەلەسى قارالماعانىن ايتتى، دەپ تengrinews.kz حابارلادى.
ءماجىلىستىڭ جالپى وتىرىسىنان شىققان انار جايىلعانوۆاعا جۋرناليستەر "كوروناۆيرۋسقا بايلانىستى مەملەكەتتىك قىزمەتكەرلەردىڭ جۇمىس كۇنى قىسقارۋى مۇمكىن بە؟ قانداي دا ءبىر شەكتەۋ ەنگىزۋ جوسپاردا بار ما؟" دەپ سۇراق قويدى.
– كوروناۆيرۋسقا بايلانىستى مەملەكەتتىك قىزمەتتەگىلەرگە ەشقانداي شەكتەۋ جوق. قۇدايعا شۇكىر، ءقازىر قازاقستاندا كوروناۆيرۋسپەن اۋىرعان ادامدار تىركەلگەن جوق. ونى كەشە عانا Facebook-تە دەنساۋلىق ساقتاۋ ءمينيسترى ايتتى، – دەدى ول.
سونىمەن قاتار، اگەنتتىك ءتورايىمى باس سانيتار دارىگەر جانداربەك بەكشيننىڭ "بىر-ەكى اپتادا قازاقستانعا كوروناۆيرۋس كىرۋى مۇمكىن" دەگەن مالىمدەمەسىنە قاتىستى ءوز پىكىرىن ءبىلدىردى.
– بۇل – بولجام. ول "ورىندالا ما، ورىندالماي ما؟" ونى بىلمەيمىز. سوندىقتان ءبىز ونداي شەكتەۋلەردى دايىنداپ جاتقان جوقپىز، – دەدى جايىلعانوۆا.
ول كوروناۆيرۋسقا بايلانىستى مەملەكەتتىك قىزمەتكەرلەر شەتەلدىك ءىس-ساپارلارعا شىعا الماي وتىرعانىن اتاپ ءوتتى.
– ازىرشە شەتەلدەردەگى ءىس-ساپارلاردىڭ بارلىعى توقتاپ تۇر، – دەدى اگەنتتىك ءتورايىمى جۋرناليستەرگە.
پىكىر قالدىرۋ