پرەزيدەنت ق.توقايەۆ باسپا ءسوز قىزمەتىنىڭ باسشىسى بەرىك ءۋالي قىتايدا ءىستى بولىپ، سول جاقتىڭ تۇرمەسىندە وتىرعان قازاقستان ازاماتى اقجارقىن تۇرلىبايدى ەلگە قايتارۋ ماسەلەسىنىڭ بارىسى تۋرالى facebook-تە حابارلادى.
"قىتايدا سوتتالعان قازاقستان ازاماتى اقجارقىن تۇرلىبايدى ەلىمىزگە قايتارۋ ماسەلەسى بۇگىن بۇقارالىق اقپارات قۇرالدارىندا تاعى دا تالقىلانىپ جاتىر.
قاسىم-جومارت توقايەۆ جاقىندا ەلىمىزگە ساپارمەن كەلگەن جۇڭگو كوممۋنيستىك پارتياسى ورتالىق كوميتەتى ساياسي بيۋروسىنىڭ مۇشەسى يان سزەچيمەن اڭگىمەلەسۋ بارىسىندا اقجارقىن تۇرلىبايدىڭ تاعدىرىنا قاتىستى ماسەلەنى تاعى دا كوتەرگەنىن ايتا كەتكەن ءجون.
قازاقستان پرەزيدەنتى بىلتىرعى قىركۇيەك ايىندا بەيجىڭگە جاساعان ساپارىندا قحر باسشىلىعىن اقجارقىن تۇرلىبايدىڭ ىسىنە گۋمانيزممەن قاراپ، ونى قازاقستانعا قايتارۋ ماسەلەسىنە ىقپال ەتۋگە شاقىردى.
قاسىم-جومارت كەمەل ۇلى سىرتقى ىستەر مينيسترلىگى مەن قۇقىق قورعاۋ ورگاندارىنا قىتايلىق ارىپتەستەرىمەن ءوزارا ءىس-قيمىلداردى جالعاستىرۋدى تاپسىردى. بۇل ءىس مەملەكەت باسشىسىنىڭ تۇراقتى باقىلاۋىندا" دەلىنگەن بەرىك ءۋالي جازباسىندا.
پىكىر قالدىرۋ