الماتى وبلىسى تالعار قالاسىندا 11 سىنىپ وقۋشىسى كوپىردەن سەكىرىپ قايتىس بولدى، دەپ حابارلايدى Qamshy.kz اقپارات اگەنتتىگى.
انىقتالعانداي، وقيعا 11 ناۋرىز كۇنى شامامەن ساعات 17:30 كەزىندە بولعان.
«وقۋشى تالعار قالاسىنداعى №2 مەكتەپتە وقىعان. كوپىر بيىك، استى تاس، ءارى سۋدىڭ اعىنى قاتتى بولعان. 2004 جىلعى قىز جاعدايى جاقسى وتباسىنان شىققان. كوپىردەن سەكىرگەن كەزدە جانىندا جىگىتى بولعان دەگەن بولجام دا قاراستىرىلىپ جاتىر. ناقتى سەبەبىن انىقتاپ جاتىرمىز» دەدى الماتى وبلىسى تالعار اۋدانى اكىمىنىڭ باسپا ءسوز حاتشىسى جانكەلدى ومىرالييەۆ.
ال وبلىستىق پوليسيا دەپارتامەنتىنىڭ باسپا ءسوز قىزمەتى قازىرگى ۋاقىتتا ق ر قىلمىستىق كودەكسىنىڭ 105-بابى، 3-تارماعى بويىنشا سوتقا دەيىنگى تەرگەۋ ءىسى ءجۇرىپ، سوت-مەديسينالىق ساراپتاما تاعايىندالعانىن حابارلاعان.
پىكىر قالدىرۋ