بۇگىن الماتىداعى ازىق-تۇلىك جانە تۇرمىستىق زاتتار ساتاتىن بازارلار مەن ءىرى دۇكەندەردە "كارانتينگە" قامدانىپ جاتقان جۇرتتىڭ قاراسى ەرەكشە كوبەيگەن. قامشى ءتىلشىسى الماتىلىقتار كوپ باراتىن سۋپەرماركەتتەردىڭ ءبىرى – "ماگنۋمنىڭ" مومىش ۇلى/رىسقۇلوۆتاعى نۇكتەسىندەگى جاعدايدى كورىپ قايتتى.
تۇتىنۋشىلار نەگىزىنەن ۇن، ماكارون ونىمدەرى، كۇرىش، قاراقۇمىق، قانت، بۇرشاق سەكىلدى ازىق-تۇلىك تۇرلەرىن، سۇيىقماي مەن تومات پاستاسىن، كارتوپ پەن پيازدى كوپتەپ ساتىپ الۋدا. اتالمىش تاۋارلار ساتىلاتىن سورەلەردىڭ ءبىرازى بوساپ قالعان. ساتۋشىلار سورەلەردى ۇستى-ۇستىنە تولتىرىپ جاتىر.
كاسسا ماڭى ۇزىن-سونار كەزەك. كەزەگىنىڭ كەلۋىن ساعاتتان استام ۋاقىت توسىپ تۇرعاندار دا بار. جۇيكەسى سىر بەرگەن بىر-ەكى ساتىپ الۋشى كەزەك ءۇشىن جانجالداسىپ تا الدى.
دۇكەننىڭ انىقتاما ءبولىمى قىزمەتكەرلەرى مۇنداي دۇربەلەڭدى تۇسىنبەي دال. وزگە نۇكتەلەردە دە ساتىپ الۋشىلار كۇرت كوبەيگەن.
ولاردىڭ سوزىنشە ازىق-تۇلىك تاپشىلىعى جوق. باعا بۇرىنعىداي.
پىكىر قالدىرۋ