بۇل تۋرالى Qamshy.kz اقپارات اگەنتتىگى پارلامەنتتىڭ باسپا ءسوز قىزمەتى دەرەگىن نەگىزگە الا وتىرىپ حابارلايدى. 

«ولاردى رەتتەۋ ءۇشىن رەسپۋبليكالىق بيۋدجەتتەن قارجىلاندىرۋ قاجەت. اتاپ ايتقاندا،  رەسپۋبليكالىق بيۋدجەت ەسەبىنەن سالىنعان جاڭا الەۋمەتتىك نىسانداردى قامتاماسىز ەتۋ ماسەلەسى دە بار»،-دەدى اكىم ورىنباسارى.  

بۇل  رەتتە دەپۋتات سەرىك قۇسايىنوۆ مينيسترلىگ اتىراۋ وبلىسىنىڭ ورتالىققا قوماقتى قارجى اۋدارىپ وتىرعانىن ەسكەرۋ كەرەك ەكەنىن ايتتى. ونىڭ پىكىرىنشە، وبلىستان ورتالىققا "قالتاسىنا" تۇسەتىن اۋدارىمداردىڭ ءبىر بولىگىن ايماقتىڭ وزىندە قالدىرسا قۇبا-قۇپ.

سەبەبى، سونىڭ ارقاسىندا وڭىردە شاعىن جانە ورتا بيزنەستى، سونىمەن بىرگە، وتاندىق ءوندىرىستى قولداۋ ارقىلى سالىق بازاسىن دامىتۋعا مۇمكىندىك تۋماق.

ياعني، ءوندىرىس كوبەيگەن سايىن ودان تۇسەتىن سالىق تا ارتپاق. سونىڭ ارقاسىندا ورتالىققا اۋدارىلاتىن اقشانىڭ كولەمى ارتپاسا، كەمىمەيتىنگە ۇقسايدى. بۇل ۇكىمەتپەن قاتار حالىققا دا ءتيىمدى بولماق.

ءوز كەزەگىندە قارجى مينيسترلىگىنىڭ وكىلى بۇنداي ۇىسىنىستى ەسكەرەتىنىن جەتكىزدى.

"بۇگىندە ايماقتارعا قولدانىسقا جاڭادان بەرىلگەن نىسانداردى قامتاماسىز ەتۋگە رەسپۋبليكالىق بيۋدجەتتەن ترانسفەرت بولىنبەيدى. قازىرگى بيۋدجەت زاڭناماسىندا قولدانىستاعى بار نىسانداردى عانا قارجىلاندىرۋ كوزدەلگەن،  مىسالى، ءبىلىم بەرۋ مەكەمەلەرى سياقتى. مينيسترلىك وسى ماسەلەنى  جاقىن ارادا شەشۋگە كىرىسەدى"، – دەدى قارجى مينيسترلىگىنىڭ بيۋدجەتتىك ساياسات دەپارتامەنتى باسشىسىنىڭ ورىنباسارى ايگۇل ايتبايەۆا.

♦تاعى وقي وتىرىڭىز: اتىراۋ قازاقستاندى ءالى اسىراپ تۇر