كوروناۆيرۋس جۇقتىرعان قازاقستاندىقتارمەن ءبىر ۇشاقتا كەلگەندەر انىقتالۋدا. بۇل تۋرالى دەنساۋلىق ساقتاۋ ءمينيسترى ەلجان ءبىرتانوۆ مالىمدەدى.
ونىڭ ايتۋىنشا، گەرمانيادان كەلگەن ەكى قازاقستاندىقتان كوروناۆيرۋس انىقتالعان. ونىڭ العاشقىسى ەلگە 9 ناۋرىزدا كەلسە، ەكىنشى جولاۋشى 12ء-سى كەلگەن. جالپى ۇشاقتا 12 جولاۋشى بولىپتى. بۇگىن ولاردىڭ كارانتينگە جاتقىزىلعانى حابارلاندى.
– ولاردىڭ اراسىنداعى ءبىر قازاقستان ازاماتىنان كوروناۆيرۋس ينفەكسياسى انىقتالدى. ال ەكىنشى ناۋقاس 8 ناۋرىزدا كەلگەن. ول ۇشاقتا 73 جولاۋشى بولعان. ول ازاماتتاردىڭ ءتىزىمى بويىنشا جۇمىس جۇرگىزىلىپ جاتىر. قازىرگى ماقساتىمىز - وسى ازاماتتاردى تاۋىپ، كارانتينگە جاتقىزۋ. ءارى قاراي دياگنوستيكالىق ەم شارالارى قابىلداۋ قاجەت، – دەدى مينيستر ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا.
تاعى وقىڭىز!
♦ ۆيرۋسولوگ: قازاقستاندا كوروناۆيرۋسقا قارسى پرەپاراتتار جاساۋعا مۇمكىنشىلىك بار
پىكىر قالدىرۋ