بۇل تۋرالى Qamshy.kz اقپارات اگەنتتىگى قازاقپارات دەرەگىنە سۇيەنە وتىرىپ حابارلايدى.
اتالعان اقپاراتقا وراي تۇسىنىك بەرگەن الماتى قالالىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداعاسىموۆا ايتۋىنشا، مەديسينالىق باقىلاۋعا تەك 488 ادام الىنۋى ءتيىس.
«488 ادام – بۇلار ساناتتار بويىنشا مەديسينالىق باقىلاۋعا الىنۋى ءتيىس تۇلعالار. ولاردىڭ بارلىعى كوروناۆيرۋستى جۇقتىرعاندارمەن نەمەسە كۇدىك كەلتىرىلگەندەرمەن قارىم-قاتىناستا بولدى دەگەندى بىلدىرمەيدى. اتالعان تۇلعالار ناۋقاستارمەن بايلانىستا بولماعان جانە وقشاۋلاۋعا جاتپايدى. دەگەنمەن دە، ولاردى ىزدەستىرۋ جانە مەديسينالىق باقىلاۋعا الۋ شارالارى جالعاستىرىلۋدا»، - دەيدى ايزات مولداعاسىموۆا.
رەسمي وكىل سونىمەن بىرگە كوروناۆيرۋستى جۇقتىرعاندارمەن بايلانىستا بولعان تۇلعالارمەن جۇرگىزىلىپ جاتقان جۇمىستار تۋرالى دا توقتالىپ وتكەن.
«كوروناۆيرۋس ينفەكسياسى وڭ ناتيجە بەرگەن گەرمانيا ازاماتىمەن بارلىعى 68 ادام كەلگەن. ولاردى ينفەكسيالىق ستاسيونارعا وقشاۋلاۋ بويىنشا جۇمىستار جۇرگىزىلۋدە»، - دەدى ول.
ەسكە سالا كەتەيىك، قازاقستاندا كوروناۆيرۋس ينفەكسياسىن جۇقتىرۋدىڭ 4 جاعدايى تىركەلدى. ونىڭ ءبىرى يتاليانىڭ ميلان قالاسىنان نۇر-سۇلتانعا ۇشىپ كەلگەن ازاماتتان انىقتالسا، كەلەسى ءۇش ادام گەرمانيادان الماتىعا اۋە قاتىناسىمەن كەلگەن. قازىرگى تاڭدا بارلىعى اۋرۋحاناعا جاتقىزىلدى.
پىكىر قالدىرۋ