اقش-تا كوروناۆيرۋستان 1،7 ملن ادام قازا تابۋى مۇمكىن. بۇل تۋرالى New York Times باسىلىمى حابارلادى. 

سونداي-اق اۋرۋحاناعا جاتقىزىلۋى كەرەك ادامنىڭ سانى 2،4 ملن-نان 21 ملن.-عا دەيىن جەتۋى مۇمكىن. بۇل ۇلتتىق دەنساۋلىق ساقتاۋ جۇيەسىنە كەرى اسەرىن تيگىزۋى مۇمكىن. سەبەبى شتاتتاردا بار بولعانى 925 مىڭ اۋرۋحانا توسەگى بار. 

بۇل مالىمەتتەردى اقش-تىڭ اۋرۋلاردى باقىلاۋ جانە پروفيلاكتيكا ورتالىقتارىنىڭ قىزمەتكەرلەرى جانە ءارتۇرلى ۋنيۆەرسيتەتتەردىڭ ەپيدەميالىق اۋرۋلار بويىنشا ساراپشىلارى اقپان ايىندا وتكەن كونفەرەنسيادان كەيىن ۇسىندى.  ولار ۆيرۋستىڭ ءتۇرىن جانە جىلدامدىعىن زەرتتەۋ ارقىلى كوروناۆيرۋستان قانشا ادام زارداپ شەگەتىنىن انىقتاعان. 

بىرنەشە ايدان ءبىر جىلعا دەيىنگى كەزەڭدە اۋرۋ جۇقتىرعانداردىڭ سانى 160-تان 214 ملن ادامعا دەيىن جەتۋى مۇمكىن.

سوڭعى مالىمەتتەر بويىنشا، اقش-تا كوروناۆيرۋستىڭ راستالعان جاعدايلارىنىڭ سانى 2033 قۇرادى، 47 ادام قايتىس بولدى.