بۇل تۋرالى ق ر دسم تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى Telegram كانالىندا جازدى، دەپ حابارلايدى Qamshy.kz اقپارات اگەنتتىگى.
اتالعان كوميتەتتىڭ مالىمەتىنشە، كوروناۆيرۋس جۇقتىرعان 4 قازاقستاندىقپەن بايلانىستا بولعان ادامدار انىقتالىپ، ءقازىر قاتاڭ باقىلاۋعا الىنعان.
«قۇرمەتتى قازاقستاندىقتار، وتكەن تاۋلىك ىشىندە ەلىمىزدە كوروناۆيرۋس ينفەكسياسىمەن اۋىرۋدىڭ جاڭا وقيعاسى تىركەلگەن جوق. بۇل دەرتپەن اۋىرعان ادام سانى – 4. ولار دارىگەرلەردىڭ قاتاڭ قاداعالاۋىندا كارانتيندە جاتىر. بۇل كىسىلەرمەن بايلانىستا بولعان ادامدار انىقتالىپ، باقىلاۋعا الىندى. COVID-19-بەن كۇرەس جانە ىندەتتىڭ الدىن الۋ رەسپۋبليكا بويىنشا كەڭ اۋقىمدا جۇرگىزىلىپ جاتىر» دەلىنگەن حابارلامادا.
ەسكە سالا كەتەيىك، 13 ناۋرىزدا قازاقستاندىق ءتورت ازاماتتان وتكىر ىندەت بەلگىسى انىقتالعان. ونىڭ ۇشەۋى الماتىعا گەرمانيادان ۇشىپ كەلگەن جولاۋشىدان بايقالسا، كەلەسى بىرەۋى ميلاننان نۇر-سۇلتان قالاسىنا كەلگەن ازاماتتان شىعىپ وتىر.
پىكىر قالدىرۋ