الماتى قالاسىندا ناۋرىز مەيرامىنىڭ قارساڭىندا تەراكت جاساماق بولعاندار ۇستالدى. بۇل تۋرالى ۇقك باسپا ءسوز قىزمەتى حابارلادى. 

2020 جىلعى 13 ناۋرىزدا ۇلتتىق قاۋىپسىزدىك كوميتەتى جەدەل-ىزدەستىرۋ ءىس-شارالارىنىڭ ناتيجەسىندە الماتى قالاسىندا "دايش" (قازاقستاندا تىيىم سالىنعان) حالىقارالىق تەرروريستىك ۇيىمى يدەولوگياسىن ۇستانۋشىنى ۇستاپ، سوت سانكسياسىمەن قاماۋعا الدى.

"تۇتقىندالعان ادام ناۋرىز مەيرامىن مەرەكەلەۋ كەزەڭىندە حالىق كوپ شوعىرلانعان ورىنداردا تەراكت دايىندادى دەپ كۇدىككە ءىلىندى. تەرگەۋ ءىس-قيمىلدارى بارىسىندا ودان ەكى جاۋىنگەرلىك گراناتا الىندى"، - دەلىنگەن ۇقك حابارلاماسىندا.

كورسەتىلگەن ادامعا قاتىستى قازاقستان رەسپۋبليكاسى قىلمىستىق كودەكسىنىڭ 255 (تەرروريزم اكتىسى) جانە 258 (تەرروريستiك نەمەسە ەكسترەميستiك ارەكەتتى قارجىلاندىرۋ جانە تەرروريزمگە نە ەكسترەميزمگە وزگە دە دەم بەرۋشىلىك) باپتارى بويىنشا قىلمىستىق ىستەر قوزعالدى.

تەرگەۋ جالعاسىپ جاتىر.