قازاقستاننىڭ دەنساۋلىق ساقتاۋ مينيسترلىگى كوروناۆيرۋس بويىنشا 15 ناۋرىزداعى مالىمەتتەردى جاريالادى، دەپ حابارلايدى Qamshy.kz اقپارات اگەنتتىگى.

"بۇگىندە ەلىمىزدە كوروناۆيرۋس جۇقتىرعان 6 ناۋقاس تىركەلگەن: الماتى قالاسىندا – 4، نۇر-سۇلتان قالاسىندا – 2 ادام. ستاسيونارلىق كارانتيندە 1 مىڭ 425 ادام، ءۇي كارانتينىندە 496 ادام جاتىر"، - دەلىنگەن حابارلامادا.

سونىمەن قاتار، قحر-دان جانە شەكارالاس مەملەكەتتەردەن كەلگەن ازاماتتارعا مونيتورينگ جالعاسۋدا.

بارلىق سانات بويىنشا مونيتورينگكە 2 مىڭ 507 ادام الىندى، ونىڭ ىشىندە 1 "ا" ساناتى بويىنشا – 1 مىڭ 619، 1 "ب" ساناتى بويىنشا – 520، 2 سانات بويىنشا – 368 ادام. مونيتورينگكە الىنعان 2 مىڭ 507 ادامنىڭ 424-cىنە باقىلاۋ توقتاتىلدى. 15 ناۋرىزداعى جاعداي بويىنشا بارلىعى 2 مىڭ 083 ادامعا باقىلاۋ جۇرگىزىلۋدە.

"قازىرگى ۋاقىتتا دەنە قىزۋىمەن جانە جرۆي بەلگىلەرىمەن 122 ادام اۋرۋحاناعا جاتقىزىلدى، ونىڭ ىشىندە 1 "ب" ساناتى بويىنشا – 35 ادام؛ 2 سانات بويىنشا – 42 ادام؛ 3 سانات بويىنشا - 45 ادام. اۋرۋحاناعا جاتقىزىلعاندار سانى 122 ادام، 62 ازامات شىعارىلدى. 60 ادام ستاسيوناردا قالادى"، - دەپ حابارلادى مينيسترلىك.

ەپيدەمياعا قارسى قاجەتتى شارالار، ونىڭ ىشىندە وقشاۋلاۋ، ەمدەۋ جانە دەزينفەكسيا جاساۋ جۇمىستارى جۇرگىزىلۋدە.
ايتا كەتۋ كەرەك، جاعداي ق ر دەنساۋلىق ساقتاۋ مينيسترلىگىنىڭ تۇراقتى باقىلاۋىندا.

الەمدەگى ەپيدەميولوگيالىق جاعداي

الەمدە 152 ەلدە 156 494 كۆي جاعدايى تىركەلگەن، ونىڭ ىشىندە:
قحر-دا 80 884 (تاۋلىگىنە - 20 جاع.) جاعداي (كۇن سايىنعى ءوسىم – 0،02%)، ونىڭ ىشىندە - 3 199 ولىممەن اياقتالعان (ءولىم كورسەتكىشى – 3،9%). 66 911 ادام جازىلعان (82،7%). ستاسيونارلاردا 10 734 ناۋقاس قالادى؛
الەمنىڭ باسقا ەلدەرىندە – 75 650 (كرۋيز لاينەرىن قوسا العاندا) وقيعا (كۇن سايىنعى ءوسىم – 17،2% قۇرادى)، ونىڭ ىشىندە – 2 623 ءولىم، ءولىم كورسەتكىشى-3،4 %.

1 "ا" ساناتى بويىنشا:
يتاليادا - 21 157 وقيعا (تاۋلىگىنە - 3497 جاع. ءوسىم – 19،8%)، قايتىس بولعاندار – 1 441 (تاۋلىگىنە – 175، ءوسىمى – 13،8%)؛
يران – 12 279 وقيعا (تاۋلىك ىشىندە - 1 365 جاع. ءوسىم-12،0%)، قايتىس بولعاندار - 611 (تاۋلىگىنە - 97، ءوسىم - 18،8%)؛
وڭتۇستىك كورەيادا – 8 086 وقيعا (تاۋلىگىنە - 107 جاع. ءوسىمى – 1،3% - عا)، قايتىس بولعاندار سانى – 72 (تاۋلىگىنە – 1، ءوسىمى – 1،4%).

1" ب " ساناتى بويىنشا:
فرانسيادا - 4 469 وقيعا (تاۋلىگىنە – 808 جاع. ءوسىم-20،0%)، قايتىس بولعاندار-91 (تاۋلىك ىشىندە - 12، ءوسىم – 15،1%)؛
يسپانيا - 6 391 وقيعا (تاۋلىك ىشىندە – 1 159 جاع.ءوسىم - 22،1%)، قايتىس بولعاندار – 195 (تاۋلىك ىشىندە - 62، ءوسىم - 46،6%)؛
گەرمانيا – 4 599 وقيعا (تاۋلىك ىشىندە – 924 جاع. ءوسىم – 25،1%)، قايتىس بولعاندار سانى – 9 (تاۋلىگىنە – 1، ءوسىم 12،5%).

2 ساناتتى بويىنشا:
شۆەيساريادا - 1375 وقيعا (تاۋلىگىنە – 236 جاع. ءوسىم-20،7%)، قايتىس بولعاندار - 13 (تاۋلىك ىشىندە - 2، ءوسىم – 18،1%)؛
نيدەرلاندتا - 959 وقيعا (تاۋلىك ىشىندە – 155 جاع.ءوسىم - 19،2%)، قايتىس بولعاندار – 12 (تاۋلىك ىشىندە - 2، ءوسىم - 20،0%)؛
ۇلىبريتانيادا – 1140 وقيعا (تاۋلىك ىشىندە – 342 جاع. ءوسىم – 42،8%)، قايتىس بولعاندار سانى – 21 (تاۋلىگىنە – 10، ءوسىم 90،9%).

الدىن الۋ شارالارى

ق ر دەنساۋلىق ساقتاۋ مينيسترلىگى جاڭا كوروناۆيرۋستىق ينفەكسيانىڭ تارالۋىنا جول بەرمەۋ ءۇشىن قاتاڭ الدىن الۋ شارالارىن ساقتاۋعا كەڭەس بەرەدى:
- قولدى، بەتتى سابىنمەن ءجيى جانە مۇقيات جۋۋ؛
- ادامدار كوپ جينالاتىن جەرلەرگە مۇلدەم بارماۋ؛
- سىرقات ادامدارعا جاقىنداماۋ؛
- سۋىق تيۋ بەلگىلەرى پايدا بولعان جاعدايدا ( دەنە قىزۋى جوعارىلاپ، مۇرىن بىتەلسە، جوتەل، تاماقتىڭ اۋىرۋى) تەز ارادا ۇيگە جەدەل جاردەم شاقىرۋ قاجەت.