قازاقستاندا تاعى ءبىر ادامنان كوروناۆيرۋس تابىلدى. بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ مالىمدەدى.
"الماتىدا تاعى ءبىر ادامنان كوروناۆيرۋس تابىلدى. ول – 2008 جىلى تۋعان قىز بالا، قازاقستانعا گەرمانيادان ۇشىپ كەلگەن" دەدى احمەتشارىپ.
وسىلايشا، قازاقستاندا كوروناۆيرۋس جۇقتىرعاندار سانى 9-عا جەتتى. ولاردىڭ التاۋى الماتىداعى، ەكەۋى نۇر-سۇلتانداعى اۋرۋحانادا. بۇدان بولەك، ەلدە ءقازىر 1425 ادام ستاسيونارلىق، 496 ادام ۇيدەگى كارانتيندە جاتىر.
بۇگىن قازاقستان پرەزيدەنتى قاسىم-جومارت توقايەۆ كوروناۆيرۋسقا بايلانىستى ەلدە ءبىر ايلىق توتەنشە جاعداي جاريالاعان بولاتىن.
پىكىر قالدىرۋ