ۆيرۋستىڭ تارالۋىنا قارسى ءىس-قيمىل جونىندەگى ايماقتىق شتابى كوروناۆيرۋس جۇقتىرعان 12 جاستاعى قىزدىڭ جاعدايى تۋرالى ايتىپ بەردى.

– الماتىعا گەرمانيادان اتا-اناسىمەن كەلگەن 2008 جىلعى قىز اۋە كەمەسىنىڭ بورتىنان بىردەن بالالار جۇقپالى اۋرۋلار اۋرۋحاناسىنا جاتقىزىلدى. قازىرگى ۋاقىتتا قىزدىڭ جاعدايى قاناعاتتانارلىق. ايتا كەتۋ كەرەك، ەكيپاجدى قوسا العاندا، 12 ادامنان تۇراتىن بورت اۋەجايدا وقشاۋلاندى، ولاردان سىناما الىندى، – دەلىنگەن حابارلامادا.

شتابتىڭ حابارلاۋىنشا، 16 ناۋرىزدا الماتىدا كوروناۆيرۋستىق ينفەكسيانىڭ راستالعان 7 جاعدايى تىركەلگەن. 6 ناۋقاس ەرەسەكتەردىڭ جۇقپالى اۋرۋلار ەمحاناسىندا ەمدەلۋدە.

الماتى اكىمدىگى بارلىق ازاماتتاردى، اسىرەسە ءۇي كارانتينىندە جۇرگەندەردى ءوز دەنساۋلىعىنا جانە باسقالاردىڭ دەنساۋلىعىنا جاۋاپكەرشىلىكپەن قاراۋعا، جاۋاپكەرشىلىككە جانە سانيتارلىق-گيگيەنالىق ەرەجەلەردى ساقتاۋعا شاقىرادى.

16 ناۋرىزداعى دەرەك بويىنشا الماتىدا 676 ادام كارانتيندە جاتىر.