بۇل تۋرالى ۇكىمەت ساعاتىندا ءماجىلىس دەپۋتاتى ساۋىتبەك ابدراحمانوۆ كوتەردى، دەپ حابارلايدى Qamshy.kz اقپارات اگەنتتىگى. 

دەپۋتاتتىڭ ايتۋىنشا، كەڭەس ارمياسىنىڭ شيرەك بولىگىنە جۋىعىن ەتپەن قامتاماسىز ەتكەن قازاقستان ءقازىر سىرتتان ەت ساتىپ الاتىن مەملەكەتكە اينالىپ وتىر.

– بۇل – قابىرعا قايىستىراتىن جاعداي. فاكتىنىڭ اتى فاكت. كەڭەس ارمياسىنىڭ شيرەك بولىگىنە جۋىعىن ەتپەن قامتاماسىز ەتكەن قازاقستان ءقازىر سىرتتان ەت ساتىپ الاتىن مەملەكەتكە اينالدى. ءقازىر ەلدە ازىق-تۇلىك دايىنداۋدا جەكە سەكتوردىڭ ۇلەسى ءتيىمدى پايدالانىلىپ وتىرعان جوق، – دەدى ول.

ول – ول ما، ساۋىتبەك ابدراحمانوۆ قازاقتىڭ باقتىم دەگەن مالى تويى مەن ىشىپ-جەمىنەن ارتىلمايتىنىن، ءتىپتى اتالعان شارۋاشىلىق تۇرىندەگى بار موتيۆاسياسى دا سول توڭىرەكتە شەكتەلەتىنىن ايتىپ قىنجىلعان.

– اۋىلداعى ازاماتتاردىڭ مال وسىرۋگە دەگەن موتيۆاسياسى تومەندەپ كەتتى. ءبىرىنشى موتيۆاسيا – كۇندەلىكتى ىشىپ-جەم، ەكىنشى موتيۆاسيا – تويعا مال جيناۋ. ءۇشىنشى موتيۆاسيا– قوناق كۇتۋ. ودان ارتىلاتىن مالدىڭ اۋىل ادامىنا قاجەتى شامالى بولىپ تۇر. ويتكەنى، ول مالدى نارىققا قوسىپ، اقشاعا اينالدىرا المايدى. اۋدان ورتالىقتارىنىڭ جانىندا تۇرعان ادامدار بولماسا، 100-200 كم قاشىقتىقتا تۇراتىنداردىڭ مالدى قالاعا اكەپ وتكىزەتىن مۇمكىندىگى جوق، – دەدى ءماجىلىس دەپۋتاتى.