بەلگىلى ءانشى مەيرامبەك بەسبايەۆ قازاقستاندىقتاردى پرەزيدەنت جارلىعىندا ايتىلعان شەكتەۋ شارالارىنا جاۋاپكەرشىلىكپەن قاراۋعا شاقىردى، دەپ حابارلايدى Qamshy.kz اقپارات اگەنتتىگى.
بۇل تۋرالى ءانشى Instagram جەلىسىندە ارنايى جازبا دا قالدىرعان.
"ەلىمىزگە كەلگەن اتى جامان ۆيرۋستىڭ ءقاۋپى وتە كۇشتى بولىپ تۇر. ءبىز ءالى دە ءمان بەرمەي جۇرگەن سياقتىمىز. ۇكىمەت بارلىق ءىس-شارانى تولىعىمەن توقتاتتى. جەكەلەگەن توي- تومالىعىمىزدى دا كەيىنگە قالدىرعانى دۇرىس بولدى"، - دەپ جازدى ول.
سونداي-اق ءانشى وتكىر دەرتتىڭ ءوزىن ارزان ازىلگە ازىق قىلىپ جۇرگەندەردى "تۇيرەپ" وتكەن.
"قۋانىشىمىزدى بولىسەمىز دەپ ءجۇرىپ، قايعىعا ۇرىنىپ قالمايىقشى. وسى سىناقتان امان-ەسەن ءوتىپ الۋدىڭ امال-شارتىن قاراستىرعانىمىز ءجون»، - دەپ جازدى كوروناۆيرۋستى كۇلكىگە اينالدىرىپ جۇرگەندەردىڭ ارەكەتىن سىنعا الدى. «اعايىن-تۋعاننىڭ اماندىعىن ويلايىق. ءدال ءقازىر كوروناۆيرۋستى كۇلكىگە اينالدىرىپ، ءازىل ايتاتىن، جىرقىلداپ ءان سالاتىن ۋاقىت ەمەس. ايتىلىپ جانە جازىلىپ جاتقان كەڭەستەرگە قۇلاق تۇرەيىك. مەن ءۇشىن قازاعىمنىڭ اماندىعى بارىنەن جوعارى. الەمنىڭ الپاۋىت ەلدەرىن جايپاپ كەلە جاتقان ىندەت شىنداپ كىرىسسە ءبىزدى دە ايامايدى. قۇداي بارىمىزگە قۋات بەرىپ جاقسى كۇندە جولىعۋدى جازسىن!»، - دەپ تۇيىندەگەن "مۇزارت" توبىنىڭ مۇشەسى.
پىكىر قالدىرۋ