توتەنشە جاعداي كەزىندە تولەمىن كەشىكتىرگەن قارىز الۋشىلارعا ايىپپۇل ەسەپتەلمەيتىن بولدى. بۇل تۋرالى ۇكىمەت وتىرىسىندا ق ر پرەمەر-مينيسترى اسقار مامين ايتتى، دەپ حابارلايدى قازاقپارات.
– توتەنشە جاعداي كەزىندە نەسيەسىن تولەي الماعان قارىز الۋشىلارعا ايىپپۇل ەسەپتەلمەيدى. بانكتەر كاسىپكەرلەرگە تولەمدەردى كەيىنگە قالدىرۋ مۇمكىندىگىن جاساۋى كەرەك. وتاندىق بيزنەس بىردەي شارتتارمەن قوسىمشا قارجىلىق جۇكتەمەسىز قولدانىستاعى باعدارلامالاردىڭ جەڭىلدىكتى قولداۋ شارالارىن پايدالانادى، – دەدى ۇكىمەت باسشىسى.
ونىڭ اتاپ وتۋىنشە، ىشكى سۇرانىس پەن ۇسىنىستى ۇلعايتۋدا اگروونەركاسىپتىك كەشەندى دامىتۋدىڭ الەۋەتى مول.
– وسىعان وراي اگروونەركاسىپ كەشەنى سالاسىندا كرەديتتەۋدىڭ جاڭا تەتىگى ەنگىزىلەدى. ول اگرووندىرۋشىلەر ءۇشىن قاراجات قولجەتىمدىلىگىن ارتتىرۋعا باعىتتالادى، – دەدى اسقار مامين.
پىكىر قالدىرۋ