ءىرى ساۋدا نىساندارى، كينوتەاترلار مەن سپورت نىساندارى ءبىر جىلعا سالىقتان بوساتىلادى. بۇل تۋرالى ۇلتتىق ەكونوميكا ءمينيسترى رۋسلان دالەنوۆ پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا حابارلادى.
"ارنايى سالىق رەجيمدەرى بويىنشا جۇمىس ىستەيتىن كاسىپكەرلەردىڭ كىرىستەرى وسى جىلدىڭ باسىنان باستاپ سالىقتان بوساتىلعانىن اتاپ وتكەن ءجون. جالپىعا بىردەي بەلگىلەنگەن رەجيمدى پايدالاناتىن كاسىپكەرلەردى قولداۋعا بولادى دەپ سانايمىز.
كەشە مەملەكەت باسشىسى تەليەۆيزيا ارقىلى جاسالعان ۇندەۋىندە اتاپ وتكەندەي، كاسىپكەرلىكتى قولداۋعا جانە جاڭا جۇمىس ورىندارىن قۇرۋعا كەم دەگەندە 300 ميلليارد تەڭگە بولىنەتىن بولادى. نەسيەلەردى سۋبسيديالاۋ جانە سالىقتىق ىنتالاندىرۋلاردى بەرۋ ماسەلەلەرى قوسىمشا پىسىقتالدى، سونداي-اق "قاراپايىم زاتتار ەكونوميكاسى" باعدارلاماسى شەڭبەرىندە 400 ملرد تەڭگەگە دەيىن قوسىمشا تەڭگەدەگى وتىمدىلىك بەرىلەتىن بولادى. قىزمەتتىك بەلسەندىلىكتى ساقتاۋدان باسقا 160 مىڭ جاڭا جۇمىس ورنى قۇرىلادى. جالپى، اتالعان جەدەل شارالار ەڭبەك نارىعىنا جانە ەكونوميكاعا تۇراقتاندىرۋ اسەرىن بەرەدى" دەدى رۋسلان دالەنوۆ.
پىكىر قالدىرۋ