كوروناۆيرۋس جۇقتىرعانداردىڭ سانى كوبەيۋىنە بايلانىستى نۇر-سۇلتان مەن الماتى جابىلۋى مۇمكىن.  بۇل تۋرالى دەنساۋلىق ساقتاۋ مينيسترلىگىنىڭ رەسمي وكىلى دياس احمەتشارىپ قازاقستان ۇلتتىق ارناسىندا تىكەلەي ەفيردە «اشىق الاڭ» باعدارلاماسىندا ايتتى.

– «ۆ» جوسپارى بويىنشا بۇگىن ەندى جەرگىلىكتى باسقارۋ ورگاندارى، اكىمدىكتەر، اكىمدەر شەشەدى. مۇمكىن، قالانى دا جاباتىن شىعار. ءقازىر كوپتەگەن الدىن الۋ شارالارى قولدانىپ جاتىر. بۇگىن قازاقستاننىڭ باس سانيتار دارىگەرىنىڭ قاۋلىسى كۇشىنە ەندى. بۇل قاۋلىعا سايكەس، ءبىز بولگەن ءۇش ساناتتاعى ەلدەردىڭ ءتىزىمى وزگەردى.  سونىمەن قاتار، بۇل قاۋلىعا سايكەس بارلىق مەديسينالىق مەكەمەلەر دە، اۋرۋحانالار دا كارانتين ەنگىزىلىپ وتىر جانە دە بارلىق مەديسينالىق مەكەمەلەردە اۋرۋحانالار، ەمحانالاردا فوتو جانە بەينەگە تۇسىرۋگە رۇقسات جوق. قاتاڭ تىيىم سالىنىپ وتىر، – دەدى دياس احمەتشارىپ.

ايتا كەتەيىك، ءقازىر كوروناۆيرۋس 27 ادامنان انىقتالعان.