قالا ماڭىندا تۇراتىن جانە نۇر-سۇلتان مەن الماتىدا جۇمىس ىستەيتىن تۇرعىندار قالاعا كارانتين كەزىندە كەلە الادى. كارانتين كەزىندە نۇر-سۇلتان مەن الماتى قالالارىنا كىم كىرە الاتىندىعىن ق ر پرەمەر-مينيسترىنىڭ باسپا ءسوز قىزمەتى ءتۇسىندىردى.
19 ناۋرىز ساعات 00.00-دەن باستاپ ەنگىزىلگەن نۇر-سۇلتان جانە الماتى قالالارىنىڭ اۋماعىندا ادامداردىڭ كىرىپ-شىعۋىنا قاتىستى شەكتەۋ ادامداردىڭ جەكەلەگەن ساناتتارى ءۇشىن ەرەكشەلىكتەردى قاراستىرادى.
ولار مىنالاردى قامتيدى:
- بۇنىڭ الدىندا قالادان كەتكەن نۇر-سۇلتان جانە الماتى قالالارىنىڭ تۇرعىندارى قالاعا ورالعان كەزدە؛
- قالاعا بۇرىن كەلگەن باسقا قالالاردىڭ تۇرعىندارى قالادان شىققان كەزدە؛
- بۇنىڭ الدىندا شەتەلگە كەتكەن قازاقستان رەسپۋبليكاسىنىڭ ازاماتتارى (قازاقستان رەسپۋبليكاسىنا ورالعاندا)؛
- وسىعان دەيىن قازاقستان رەسپۋبليكاسىنىڭ اۋماعىنا كەلگەن شەتەلدىكتەر ەلدەن كەتۋ ءۇشىن جانە ودان ءارى اۋە كەمەسىمەن قايتۋ ماقساتىندا؛
- شەتەلدىكتەر (ازاماتتىعى جوق ادامدار)، قازاقستان رەسپۋبليكاسىنىڭ اۋماعىندا تۇرۋعا رۇقساتناما يەلەرى؛
- وسىعان دەيىن شەت مەملەكەتتىڭ اۋماعىنا كەتكەن ق ر ازاماتتارى قازاقستان رەسپۋبليكاسىنا ورالعاننان كەيىن؛
- شەتەلگە ەمدەلۋگە كەتكىن ق ر ازاماتتارى دەنساۋلىق ساقتاۋ مەكەمەلەرىنىڭ راستايتىن قۇجاتتارىن كورسەتكەن جاعدايدا؛
- ەلدىڭ جانە شەت مەملەكەتتەردىڭ ديپلوماتيالىق قىزمەتىنىڭ قىزمەتكەرلەرى جانە ولاردىڭ وتباسى مۇشەلەرى، سونداي-اق قازاقستان رەسپۋبليكاسى سىرتقى ىستەر مينيسترلىگىنىڭ شاقىرۋى بويىنشا قازاقستانعا ىس-ساپارمەن كەلگەن شەت مەملەكەتتەر دەلەگاسيالارى مەن حالىقارالىق ۇيىمداردىڭ مۇشەلەرى؛
- پوەزدار مەن لوكوموتيۆ بريگادالارىنىڭ مۇشەلەرى، سونداي-اق تەمىرجول كولىگىمەن تاسىمالداۋ پروسەسستەرىنە قاتىساتىن ادامدار، اۋە كەمەلەرى، كەمە ەكيپاجدارى، حالىقارالىق جۇك تاسىمالىمەن اينالىساتىن جۇك كولىگى جۇرگىزۋشىلەرى؛
- ق ر ازاماتتارىنىڭ وتباسى مۇشەلەرى بولىپ تابىلاتىن شەتەلدىكتەر (وتباسىلىق بايلانىس فاكتىسى راستالعان جاعدايدا – جۇبايى، ولاردىڭ اتا-انالارى جانە بالالارى)؛
- الماتى جانە نۇر-سۇلتان قالالارىنىڭ ماڭىندا تۇراتىن ءارى قالادا جۇمىس ىستەيتىن تۇرعىندار؛
- اۋە جانە تەمىرجول ترانزيتىمەن جۇرگەن ق ر ازاماتتارى؛
- Covid-19-عا قارسى ءىس-قيمىل جونىندە قالالىق شتاب جەكە قاراستىراتىن باسقا ەرەكشە جاعدايلار؛
19 ناۋرىزدان باستاپ، نۇر سۇلتان مەن الماتى قالالارىندا كوروناۆيرۋستىڭ تارالۋىنا بايلانىستى كارانتين جاريالانادى. اتقارىلاتىن نەگىزگى ءىس-شارالاردىڭ ءبىرى – ادامداردىڭ قوزعالىسىن شەكتەۋ.
بۇگىنگى تاڭدا قازاقستاندا كوروناۆيرۋستىڭ 35 جاعدايى تىركەلگەندىگى راستالدى، ونىڭ 15ء-ى الماتىدا، 18ء-ى نۇر-سۇلتاندا.
پىكىر قالدىرۋ