Kaspi bank باسقارما ءتوراعاسى ميحايل لومتادزە بانكتىڭ كليەنتتەرىن قولداۋ باعدارلاماسىنىڭ ىسكە قوسىلعانى تۋرالى حابارلادى.

بۇگىن ميحايل لومتادزەنىڭ  رەسمي Youtube ارناسىندا كومپانيا كليەنتتەرىنە ۇندەۋى جاريالاندى. بانك باسشىسى كليەنتتەر قانداي قولداۋ الاتىنى تۋرالى ايتتى.

– قۇرمەتتى كليەنتتەر، Kaspi ميسسياسى «سۇيىكتى كليەنتتەرىمىزدىڭ ءومىرىن جاقسارتۋ. ءبىز جۇمىسىمىزدا «ءبىزدىڭ كليەنتتەرىمىزگە، قازاقستاندىقتارعا جاقسى بولسا، Kaspi-گە دە جاقسى» دەگەن ماڭىزدى ءپرينسيپتى باسشىلىققا الامىز. سوندىقتان قارجى رەتتەۋشىسىنىڭ شارالارىنا قوسىمشا ءبىز كليەنتتەردى قولداۋدىڭ جەكە باعدارلاماسىن ىسكە قوسامىز، جۇمىسسىز قالىپ، ۋاقىتشا قارجىلىق قيىندىققا تاپ بولعان كليەنتتەرگە اي سايىنعى تولەمدى 2 ايعا شەگەرەمىز.

كليەنتتەردى قولداۋ باعدارلاماسىنا ءوتىنىمدى Kaspi.kz قوسىمشاسىندا 2 ساۋىردەن باستاپ بەرۋگە بولادى. كليەنتتەرىمىز ەشقايدا شىقپاسى ءۇشىن قىزمەتتى ۇيالى قوسىمشادا جاسادىق.

سونداي-اق سىزدەرگە 3 ماڭىزدى نارسەگە نازار اۋدارۋدى سۇرايمىن.

– بىرىنشىدەن، باعدارلاماعا قاتىسۋ ءۇشىن تولەنبەگەن قارىزى بولماۋى كەرەك.

– ەكىنشىدەن، 18 ناۋرىزعا دەيىنگى الىنعان زايمدار بويىنشا عانا تولەمدەر شەگەرىلەدى.

وتىنەمىن، قارجىلىق جاعدايلارىڭىزدى ناشارلاتپاڭىزدار. ەگەر كىرىستەرىڭىز مىندەتتەمەلەرىڭىزدى قايتارۋعا جەتپەسە، قازىردەن، بۇگىننەن باستاپ جاڭا قارىز الماڭىزدار.

ۇشىنشىدەن، باعدارلاما اياسىندا تولەمى كەيىنگە شەگەرىلگەن ادامدار قارجىلىق جاعدايى جاقسارعانشا جاڭا كرەديت الا المايدى. ءبىز مۇنى ءبىرىنشى كەزەكتە كليەنتتەرگە قامقورلىق جاساۋ جانە ولاردىڭ قارجىلىق جاعدايىنىڭ ناشارلاۋىن بولدىرماۋ ماقساتىمەن جاساپ وتىرمىز.

ءبىز مەملەكەتپەن، قازاقستان حالقىمەن بىرگەمىز جانە قازىرگى قيىندىقتاردى بىرگە جەڭۋگە كومەكتەسكىمىز كەلەدى.

بۇل ءبىرىنشى نەمەسە سوڭعى سىناق ەمەس. ءبىز كەز كەلگەن قيىن ساتتە سۇيىكتى كليەنتتەرىمىزگە بارىنشا قامقورلىق جاساۋعا تىرىسامىز.

Kaspi كومانداسىنىڭ جانە جەكە ءوز اتىمنان بارلىق قازاقستاندىقتارعا دەنساۋلىق تىلەيمىن. وزدەرىڭىزدى، جاقىندارىڭىزدى قورعاڭىزدار. دۇنيەجۇزىلىك دەنساۋلىق ساقتاۋ ۇيىمىنىڭ بارلىق نۇسقاۋلارىن ورىنداڭىزدار جانە قولما-قول اقشانى بارىنشا از قولدانىڭىزدار. ولار دا ۆيرۋس تاسىمالداۋشى. ساتىپ الۋ مەن تولەمدى  Kaspi Gold كارتاسى مەن ءبىزدىڭ Kaspi.kz قوسىمشاسى ارقىلى جاساڭىز، –  دەيدى ميحايل لومتادزە.