ساياساتتانۋشى ەرلان سايروۆ قازاقستاندا بيلىكتىڭ ەۆوليۋسيالىق مودەلى قۇرىلىپ جاتقانى تۋرالى ايتتى دەپ جازادى Strategy2050.kz.
– ءبىزدىڭ ەلدە بيلىكتىڭ بەيبىت تۇردە اۋىسقانىنا ءبىر جىل تولدى. بۇل وزگەرىستىڭ باستى ەرەكشەلىگى ءۇردىستىڭ بەيبىت ءارى ءوز ەركىمەن بولعانى. بۇل ءبىزدىڭ ەلدەگى بيلىك ترانسفورماسياسىن تۇسىندىرەتىن ماڭىزدى ءسات. ترانسفورماسيا ەلىمىز ءۇشىن ساياسي تاريحي كەزەڭدە ورىن الدى. قوعامدا پىكىرلەردىڭ الۋاندىعى پايدا بولدى، جاستار ولاردىڭ كوزقاراسىنشا ادىلەتتى ءارى راديكالدى رەفورمالاردىڭ بولۋىن قالادى، – دەدى ە.سايروۆ.
سونىمەن قاتار، ساياساتتانۋشى قازاقستاندا بيلىكتىڭ ەۆوليۋسيالىق مودەلى قۇرىلىپ جاتقانىن ايتتى.
– بىزدە بيلىكتىڭ ەۆوليۋسيالىق مودەلى قۇرىلۋدا. ەلباسى نۇرسۇلتان نازاربايەۆ زاڭنامالىق ءارى كونستيتۋسيالىق دەڭگەيدە بيلىكتى اۋىستىرۋعا بەيبىت ءارى ليگيتىمدى نەگىز قالىپتاستاردى. وسىلايشا، بيلىكتى بەيبىت تۇردە جاڭا كەزەڭگە ساباقتاستىردى، – دەدى ە.سايروۆ.
پىكىر قالدىرۋ