«Nur Otan» پارتياسى ءتوراعاسىنىڭ ءبىرىنشى ورىنباسارى باۋىرجان بايبەك aikyn.kz-كە بەرگەن سۇحباتىندا ەلباسىنىڭ ءوز پرەزيدەنتتىك وكىلەتتىگىن توقتاتقانىنا ءبىر جىل تولۋىنا وراي ءوز ويىن ورتاعا سالىپ، نۇرسۇلتان نازاربايەۆتىڭ ەل تاۋەلسىزدىگىن نىعايتىپ، دامىتۋداعى ءرولى جايىندا تاراتىپ ايتتى. سونىمەن قاتار دۇنيەنى دۇربەلەڭگە سالعان كوروناۆيرۋس ىندەتىنىڭ ورشۋىنە بايلانىستى پارتيا تاراپىنان ەل تۇرعىندارىنا كومەك بەرۋ بويىنشا قولعا الىنعان شارالار جايى دا ءسوز بولدى.

پارتيا ءتوراعاسىنىڭ ءبىرىنشى ورىنباسارى بۇگىندە الەمنىڭ بۇكىل ەلى دەرلىك كوروناۆيرۋسپەن بەلسەندى كۇرەس جۇرگىزىپ جاتقانىن، بۇل ىندەتتىڭ ءبىزدى دە اينالىپ وتپەگەنىنە توقتالدى. ەلىمىزدە العاش رەت توتەنشە جاعداي ەنگىزىلىپ، ەكى ءىرى قالادا كارانتين جاريالاندى. وسى احۋالعا وراي ەلدىڭ ەڭ ءىرى ساياسي كۇشى - «Nur Otan» پارتياسى دا جۇرتشىلىققا كومەك قولىن سوزىپ، «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا مۇقتاج جانداردى انتيسەپتيكالىق قۇرالدارمەن جانە ءبىرىنشى كەزەكتە قاجەتتى تاۋارلارمەن قامتاماسىز ەتۋ ءۇشىن 150 ملن. تەڭگە ءبولدى. «Nur Otan» جانە «Jas Otan» ۆولونتەرلارى مەن ەرىكتىلەرىنەن ىقشام توپتار قۇرىلىپ، وسىناۋ سىن ساتتە الەۋمەتكە ءوز كومەكتەرىن كورسەتۋدە.

«مەن ەرىكتى تۇردە جالعىز باستى قارتتارعا، تۇرمىسى تومەن كوپبالالى وتباسىلارعا جانە ەرەكشە قاجەتتىلىكتەرى بار ازاماتتارعا ارنايى الەۋمەتتىك پاكەتتەردى ۇلەستىرۋگە اتسالىسقان «Jas Otan»-دىق ۆولونتەرلارىمىزعا ءدان ريزامىن. شىنايى پاتريوتيزم مەن وتانعا دەگەن سۇيىسپەنشىلىك تاپ وسىنداي سىن ساتتەردە كورىنەدى» - دەدى باۋىرجان بايبەك.

وقىرماندار سۇحباتپەن تولىعىراق aikyn.kz سايتىنان تانىسا الادى: ب.بايبەك: ەلباسى باستاعان اعا ۇرپاق ەلدىكتى قايتا جاڭعىرتتى – مەملەكەتىمىز ەڭسەسىن تىكتەدى، سەنىمى نىق، ەرتەڭى ەرەن ۇلت بولىپ ۇيىستىق