الماتى قالاسىندا كارانتينگە جابىلعان بارلىعى 52 بازار بار. سونىڭ ىشىندە، 6 ازىق-تۇلىك بازارى – "جۇلدىز"، "بارىس-4"، "بەرەكە"، "قاراسۋ"، "ساۋداكەنت"، "اق-بۇلاق" كارانتينگە قاراماستان جۇمىس ىستەپ تۇر. ازىق-تۇلىك ەمەس، باسقا تاۋارلار ساتاتىن 29 بازار كەشەگى كۇننەن باستاپ تولىق جابىلدى. ال قالعان 17 امبەباپ  بازاردا تەك ازىق-تۇلىك ساتاتىن قاتارلار اشىق تۇر.

قالاداعى ەڭ تانىمال امبەباپ بازارلاردىڭ ءبىرى – "كوك بازاردا" بۇگىن ساتىپ الۋشىلار از بايقالدى. كارانتين تارتىبىنە سايكەس، بۇل بازاردا ازىق-تۇلىك ەمەس، باسقا زاتتاردى ساۋدالايتىن قاتارلار مەن دۇڭگۇرشەكەتەر جابىق تۇر. ازىق-تۇلىك قاتارىندا دا ساۋدا جوق. ءتىپتى، جەمىس-جيدەك ساتاتىن كەي ساتۋشىلار ساۋدا ازايعانىنا بايلانىستى سورەلەرىن جاۋىپ كەتىپتى. ساتۋشىلاردىڭ ايتۋىنشا، ازىق-تۇلىك باعاسى قىمباتتاماعان.