كوروناۆيرۋسقا بايلانىستى كارانتينگە جابىلعان الماتى قالاسىنىڭ باسقا وبلىستارعا قاتىنايتىن جولدارىنا قويىلعان 27 بلوكبەكەت 19 ناۋرىز ساعات 00.00-دە جۇمىسىن باستادى. ءقازىر ارنايى بلوكبەكەتتەردە قالاعا كىرۋشىلەر مەن شىعۋشىلاردى قاتاڭ تەكسەرىپ جاتىر. قامشى ءتىلشىسى الماتىعا جاقىن ورنالاسقان، ءبىراق قالاعا ەمەس، الماتى وبلىسىنا قارايتىن تالعار اۋدانىنا اپاراتىن نەگىزگى جولعا قويىلعان بلوكبەكەتتەگى احۋالدى كورىپ قايتتى.
الماتىعا قۇلجا تاسجولىنان كەلە جاتقان اۆتوكولىكتەر كىرە الاتىن قۋىس جولداردىڭ بىرىنە قويىلعان بلوكبەكەتتە جول تولىقتاي جابىلعان. بۇل جولدان اۆتوكولىكتەردى دە، ادامداردى دا وتكىزبەيدى. جول ۇستىنە بەتوندار قويىلىپ، پوليسيا قىزمەتكەرلەرى كەلگەن ادامداردى قايتارىپ جاتىر.
ال تالعار تاسجولىنا اپاراتىن نەگىزگى جولدا جاعداي قاربالاس. مۇندا قالاعا كىرۋگە دە، قالادان شىعۋعا دا اسىققاندار كوپ. قالادان شىعاتىن كولىكتەر مەن ادامدارعا تىيىم سالىنباعانىمەن، كىرگىسى كەلگەندەردى قاتاڭ تەكسەرىپ جاتىر. الماتىعا قاراي تەك قالادا تىركەلگەن، ءبىراق بەلگىلى سەبەپتەرمەن كارانتين باستالعاندا قالا سىرتىندا قالعان ادامدار عانا كىرگىزىلىپ جاتىر. ال الماتىدا جۇمىس ىستەيتىن، ءبىراق قالاعا ەمەس، الماتى وبلىسىنا قارايتىن اۋدانىندا تۇراتىنداردى بلوكبەكەتتەن جىبەرمەي تۇر. قالاعا كىرۋگە كەزەكتە تۇرعانداردىڭ كوبىسى سونداي ادامدار.
الماتىدان شىعىپ بارا جاتقان كولىكتەر
الماتىدان شىعىپ بارا جاتقان ادامدار
پوليسيانىڭ تەكسەرۋىنەن كەيىن الماتىعا كىرگىزىلىپ جاتقان كولىكتەر
بلوكبەكەتتە تۇرعان اسكەري تەحنيكا
بلوكبەكەتتەگى جاعدايدى پوليسيا مەن ارنايى جاساق وكىلدەرى باقىلاپ تۇر
الماتىعا كىرۋ ءۇشىن كەزەكتە تۇرعان ادامداردىڭ قۇجاتىن اكىمدىك وكىلدەرى تەكسەرىپ جاتىر
قالاعا كىرۋگە اسىققانداردىڭ كوبى "جۇمىسقا بارۋىم كەرەك ەدى" دەگەندى ايتادى
پىكىر قالدىرۋ