كوروناۆيرۋستىڭ ەپيدەميولوگيالىق جاعدايى تۋرالى ساعات 18.00-دەگى سوڭعى دەرەكتەردى ق ر دەنساۋلىق ساقتاۋ مينيسترلىگىنىڭ باسپا ءسوز قىزمەتى مالىمدەدى.
⠀
قازاقستاندا كوروناۆيرۋستىڭ 44 جاعدايى راستالدى، ونىڭ ىشىندە الماتى قالاسىندا – 19، نۇر-سۇلتاندا – 25 جاعداي انىقتالعان. ستاسيونارلىق كارانتيندە – 860 ادام، ءۇي كارانتينىندە – 2 611 ادام جاتىر.
⠀
سونىمەن قاتار، قازاقستاندا جۇڭگو حالىق رەسپۋبليكاسى مەن وزگە كورشىلەس مەملەكەتتەردەن كەلگەن ازاماتتاردى باقىلاۋ جۇمىستارى جالعاسۋدا. بارلىق ساناتتار بويىنشا جالپى 2 885 ادام باقىلاۋعا الىندى، ونىڭ ىشىندە 262 ادام – 1 «ا» ساناتى، 1766 ادام – 1 «ب» ساناتى، 857 ادام 2-سانات بويىنشا باقىلانۋدا.

مونيتورينگكە الىنعان 2 885 ادامنىڭ 724ء-ى باقىلاۋدان الىندى.

19 ناۋرىزداعى جاعداي بويىنشا، بارلىعى 2 161 ادام باقىلاۋدا قالادى. سونداي-اق، 19 ناۋرىزدا 157 ادام دەنە قىزۋىمەن جانە جەدەل رەسپيراتورلى ۆيرۋستىق ينفەكسيالارمەن اۋرۋحاناعا جاتقىزىلدى، ولاردىڭ 47ء-سى 1 «ب» ساناتىنا جاتقىزىلدى؛ 2-سانات بويىنشا – 53 ادام؛ 3-سانات بويىنشا – 57 ادام.

باس مەملەكەتتىك سانيتارلىق دارىگەردىڭ قاۋلىسىنا سايكەس، بۇل ناۋقاستار الگوريتم بويىنشا جۇقپالى اۋرۋلار اۋرۋحاناسىنا جاتقىزىلادى.

ەپيدەمياعا قارسى بارلىق قاجەتتى شارالار، سونىڭ ىشىندە وقشاۋلاۋ، ەمدەۋ جانە دەزينفەكسيا جۇمىستارى جۇرگىزىلدى.

ايتا كەتۋ كەرەك، كوروناۆيرۋسقا قاتىستى احۋال دەنساۋلىق ساقتاۋ مينيسترلىگىنىڭ تۇراقتى باقىلاۋىنا الىنعان.

مينيسترلىك كوروناۆيرۋس ينفەكسياسىنىڭ تارالۋىن بولدىرماۋ ءۇشىن الدىن-الۋ شارالارىن ساقتاۋدى ەسكە سالادى:

- قولدى جانە بەتتى سابىنمەن ءجيى جۋۋ؛
- ادام كوپ جينالاتىن جەردەن اۋلاق بولۋ؛
- ناۋقاس ادامدارمەن بايلانىستا بولماڭىز؛
- سۋىق تيۋ بەلگىلەرى (دەنە قىزۋى، مۇرىننىڭ بىتەلۋى، جوتەل) بولسا، جەدەل جاردەم كومەگىنە جۇگىنىڭىز. 
⠀
كوروناۆيرۋسقا بايلانىستى رەسمي اقپاراتتى ۆەب-سايتتان جانە دەنساۋلىق ساقتاۋ مينيسترلىگىنىڭ Facebook-تەگى رەسمي پاراقشاسىنان بىلە الاسىزدار. سۇراقتار بويىنشا 1406 نومىرىنە قوڭىراۋ شالىڭىز.