الماتىلىقتارمەن مەن قالا ىرگەسىندەگى ەلدىمەكەندەردىڭ تۇرعىندارى كوپ باراتىن التىن وردا بازارىندا بۇگىن كارانتين جاعدايىنا بايلانىستى تەك ازىق-تۇلىك پەن جەمىس-جيدەك، كوكەنىس قاتارلارى عانا ىستەپ تۇر.

ەسىمىن اتاماۋدى وتىنگەن ساتۋشىنىڭ سوزىنشە، جەمىس-جيدەك باعاسى قىمباتتاماعان. بۇگىننەن باستاپ وبلىس تۇرعىندارى قالاعا كىرگىزىلمەي جاتقاندىقتان ونى الاتىن ادام دا از. «تاۋاردى وتكىزە الماي تۇرمىز» دەگەن ول ساۋدانىڭ ءتۇسىپ كەتكەنىن ايتتى.

ەت پاۆيلونىنداعى ساتۋشىلار دا «بۇگىن ساۋدا تومەندەپ كەتتى» دەپ وتىر. ءبىراق تۇرعىندار سوڭعى كۇندەرى ەتتى جاپپاي ساتىپ العان. سودان بەرى ءبىراز سورەلەر بوس تۇر. ساتۋشىلار ەت باعاسى "قىمباتتامادى" دەيدى. سيىر ەتىنىڭ كيلوگرامى 2000 تەڭگەدەن ساتىلىپ جاتىر.

قىمباتشىلىق كەلگەن ازىق-تۇلىك تۇرلەرىنىڭ قاتارىندا كارتوپ كوكەنىسى مەن قانت، كۇرىش جانە سۇيىقماي بار. بىرنەشە كۇن بۇرىن 90 تەڭگەدەن ساتىلعان كارتوپتىڭ كيلوگرامى بۇگىندە 170-180 تەڭگەگە دەيىن وسكەن. قانت 300 تەڭگە، كۇرىش 350 تەڭگەدەن ساۋدانالىپ جاتىر. 5 ليترلىق سۇيىقمايدىڭ ەڭ ارزانى 2000 تەڭگە.