«Nur Otan» پارتياسى مەن «Jas Otan» جاستار قاناتىنىڭ بەلسەندىلەرى كوپبالالى جانە از قامتىلعان وتباسىلارعا، سونداي-اق ەرەكشە قاجەتتىلىكتەرى بار ازاماتتارعا جانە جالعىز باستى زەينەتكەرلەرگە كومەك كورسەتۋدى جالعاستىرۋدا. اكسيا قازاقستاننىڭ بارلىق ايماقتارىندا، سونىڭ ىشىندە ەلوردا جانە الماتى قالاسى ماڭىنداعى ەلدى مەكەندەردە وتۋدە. ماسەلەن، بۇگىندە 720 وتباسى اتاۋلى كومەك الدى. «Jas Otan» جق جەتەكشىسى ەلنۇر بەيسەنبايەۆتىڭ ايتۋىنشا، ەرىكتىلەر كۇن سايىن 400 ۇيگە بارادى.

«الەۋمەتتىك جاعىنان وسال 10 مىڭعا جۋىق وتباسى پارتيادان قايىرىمدىلىق جيىنتىعىن الادى. ءقازىر كارانتين كەزىندە ۇيدەن ەرەكشە سەبەپتەرسىز شىعۋعا بولمايدى. سوندىقتان، ءبىزدىڭ ۆولونتەرلارىمىز 2 اپتا ىشىندە ولاردى بارلىق قاجەتتىلىكتەرمەن قامتاماسىز ەتۋگە تىرىسادى. مۇندا جارما، ماكارون، كۇرىش، ماي، مىندەتتى تۇردە مەديسينالىق ماسكالار، انتيسەپتيكتەر سەكىلدى زاتتار قامتىلعان. سونىمەن قاتار ءبىز كوروناۆيرۋستىڭ الدىن الۋ بويىنشا قاجەتتى اقپاراتى بار جادنامالاردى دا تاراتامىز»، – دەدى ەلنۇر بەيسەنبايەۆ.

بۇعان دەيىن پارتيا ليدەرى نۇرسۇلتان نازاربايەۆ «Nur Otan» پارتياسىنا «كەدەرگىسىز كەلەشەك»، «باقىتتى وتباسى» جانە «ارداگەرلەردى ارداقتايىق» پارتيالىق جوبالارى شەڭبەرىندە مۇقتاج قازاقستاندىقتارعا اتاۋلى كومەك كورسەتۋ ءۇشىن 150 ملن.تەڭگە ءبولۋدى تاپسىردى. بۇل قاراجاتقا پارتيالىقتار مەن «Jas Otan» ۆولونتەرلەرى حالىقتىڭ الەۋمەتتىك وسال توپتارىنا بايلانىسسىز جەتكىزۋى ءۇشىن مەديسينالىق ماسكالار، انتيسەپتيكالىق قۇرالدار جانە باسقا دا ءبىرىنشى قاجەتتىلىكتەگى تاۋارلاردى ساتىپ الدى. سونىمەن قاتار، پارتيانىڭ ورتالىق اپپاراتى پەن فيليالدارىنىڭ قىزمەتكەرلەرى وسى قاجەتتىلىكتەرگە وزدەرىنىڭ ءبىر كۇندىك جالاقىسىن اۋدارعان بولاتىن.

وڭىرلەردەگى پارتيا مۇشەلەرى دە سىرت قالمادى. مىسالى، شىمكەنت قالاسىنىڭ كاسىپكەرى قايرات مولداسەيىتوۆ كارانتين جاعدايىندا حالىقتىڭ الەۋمەتتىك وسال توپتارىنا كومەك كورسەتۋگە 20 ملن تەڭگە ءبولدى. ونىڭ باستاماسىن قاراعاندىلىق كاسىپكەر، «Nur Otan» مۇشەسى عابدوللا دۇيسەنبايەۆ قولدادى. ول ەكسپرەسس-تەست ساتىپ الۋ ءۇشىن قايىرىمدىلىق كومەك رەتىندە 5 ميلليون تەڭگە اۋداردى.

«Nur Otan» پارتياسى الماتى قالالىق فيليالى دا قازاقستاندىقتاردى قولداۋ كورسەتۋگە شاقىردى. نۇروتاندىقتار دەمەۋشىلىك كومەك كورسەتكىسى كەلەتىن ازاماتتارعا ارنايى شوت اشتى.

كومەك جىبەرۋ ءۇشىن دەرەكتەمەلەر:

«جاڭا الاتاۋ» قوعامدىق قورى

ستن 600300567791

بسن 080740011034

جسك № KZ826010131000165601

«قازاقستان حالىق بانكى» اق

بيك HSBKKZKX

كبە 18 تتك 119

تەلەفون: 8 (727) 396-74-20