بۇل تۋرالى دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسىن باقىلاۋ كوميتەتىنىڭ باسپا ءسوز قىزمەتى مالىمدەدى دەپ حابارلايدى Qamshy.kz اقپارات اگەنتتىگى.
بۇنداي شەشىمنىڭ قابىلدانۋىنا رەسپۋبليكا اۋماعىندا جاريالانعان توتەنشە جاعداي رەجيمى سەبەپ بولىپ وتىر.
«كوروناۆيرۋستىڭ تارالۋىنا بايلانىستى قازاقستان رەسپۋبليكاسىنىڭ اۋماعىندا ەنگىزىلگەن توتەنشە جاعداي رەجيمىنە بايلانىستى نۇر-سۇلتان مەن الماتى قالالارىندا اۆتوكولىك تۇراقتارى تەگىن بولادى. الماتىنىڭ قالالىق تۇراقتارىندا 21 ناۋرىزدان باستاپ اقى الىنبايدى. اقىلى تۇراقتار تۇرعىنداردان اقىنى 15 ساۋىرگە دەيىن المايدى»، - دەلىنگەن رەسمي اقپاراتتا.
ەسكە سالا كەتەيىك، اتالعان ەكى مەگاپوليستە 19 ناۋرىزدان باستاپ كارانتين ەنگىزىلگەن بولاتىن. ال 16 ناۋرىزدا ەل بويىنشا توتەنشە جاعداي جاريالاندى. سوڭعى مالىمەتتەر بويىنشا، قازاقستاندا ءقاۋىپتى ىندەتتى جۇقتىرعاندار سانى 52 ادامعا جەتكەن.
پىكىر قالدىرۋ