تبيليسيدەن قازاقستاننىڭ گرۋزياداعى ەلشىلىگىنىڭ قولداۋىمەن ەلىمىزدىڭ 143 ازاماتىنا ۇشۋ رەيسى ۇيىمداستىرىلدى، دەپ حابارلايدى Qamshy.kz اقپارات اگەنتتىگى.
بۇل تۋرالى سىرتقى ىستەر مينيتسترلىگى حابارلادى.
«جولاۋشىلاردى رەيسكە تىركەۋ جانە وتىرعىزۋ بارىسىندا ازاماتتارىمىز سابىرلىق ساقتاعانىن اتاپ وتەمىز. كەدەندىك جانە شەكارالىق باقىلاۋ ءراسىمى كەدەرگىسىز ءوتتى. جولاۋشىلار رەيستىڭ كەشىگۋىنە تۇسىنىستىكپەن قاراپ، چارتەرلىك رەيستىڭ ۇيىمداستىرىلۋى ءۇشىن العىس ءبىلدىردى»، - دەلىنگەن رەسمي حابارلامادا.
ەسكە سالا كەتەيىك، كەشە پرەمەر-مينيستردىڭ ورىنباسارى ەرالى توعجانوۆ سىرت ەلدەردە جۇرگەن 5 مىڭنان اسا قازاقستاندىقتى ەلگە اكەلۋ مەملەكەت ەسەبىنەن جۇرگىزىلمەيتىنىن، ولاردىڭ «تۋريستىك قامقور» كورپوراتيۆتىك قورى ەسەبىنەن ەلگە ورالۋى مۇمكىن ەكەنىن اتاپ وتكەن بولاتىن.
پىكىر قالدىرۋ