نۇر-سۇلتان مەن الماتى قالالارىندا توتەنشە جاعدايدى قامتاماسىز ەتۋ بويىنشا 22 ناۋرىز ساعات 00:00-دەن باستاپ قالاعا كىرۋگە جانە ودان شىعۋعا تىيىم سالىنعان «جاسىل ءدالىز» بەكىتىلگەن. ارنايى قۇرىلعان 27 بلوك بەكەتتە پوليسيا مەن قورعانىس مينيسترلىگى قىزمەتكەرلەرى ەشكىمنىڭ قالاعا كىرمەۋىن، قالادان شىقپاۋىن قاداعالاپ تۇر. قامشى ءتىلشىسى الماتى قالاسىنىڭ شىعىس، سولتۇستىك-شىعىس بولىگىنەن شىعار جولدارعا قويىلعان بلوك-بەكەتتەردەن فوتورەپورتاج ازىرلەدى.
بۇعان دەيىن قامشى ءتىلشىسى قالانىڭ باتىس بولىگى التىن وردا بازارى ماڭىنداعى بلوك-بەكەتتە قالادان شىققىسى، وعان كىرگىسى كەلەتىن ازاماتتاردىڭ كوپ ەكەنىن جازعان.
ال تالعارعا باراتىن تاسجولداعى بلوك-بەكەتتەگى جاعداي ءبىرشاما تىنىش.
تالعارعا باراتىن تراسسا بويىنا قويىلعان بلوك-بەكەت
قالادان شىعۋعا رۇحساتى بار ازاماتتاردىڭ قۇجاتتارىن تەكسەرىپ، جەكە دەرەكتەرىن قاعازعا ءتۇسىرىپ تۇرعان ماماندار
مۇندا قالادان شىققىسى كەلەتىن دە، قالاعا كىرگىسى كەلەتىن دە ادامدار كوپ ەمەس. قالادان ارنايى رۇحساتى بار كولىكتەردىڭ شىعۋىنا عانا رۇحسات. رۇحسات مەديسينالىق جانە سانيتارلىق-ەپيدەميولوگيالىق قىزمەت كورسەتەتىن ازاماتتارعا، سونداي-اق جەدەل ىسكە اسىرۋ مەن كوممۋنالدىق شارۋاشىلىقتىڭ، ريتۋالدىق قىزمەتتىڭ، جۇكتەردىڭ كەز كەلگەن تۇرلەرىن جۇك جانە ترانزيتتىك تاسىمالداۋلارعا، جەكە كۋالىك بويىنشا مامانداندىرىلعان ينكاسساتورلىق كولىكتەرگە عانا بەرىلگەن.
الماتىدان تالعار اۋدانىنا قاراي بارا جاتقان الماتىنان كومبيناتىنىڭ كولىگى بلوك-بەكەتتە تۇر
قالادان شىعا الماي تۇرعان تۇرعىندار
بلوك-بەكەتكە كەلىپ، كەرى قايتقالى تۇرعان اۆتوكولىك
قۇلجا تاسجولىنا قويىلعان بلوك-بەكەتتەگى جاعداي دا وسىعان ۇقساس.
قۇلجا تاس جولىنداعى بلوك-بەكەت
ارنايى رۇحساتى بار كولىك بلوك-بەكەتتەن وتكەلى تۇر
پوليسيا قىزمەتكەرلەرىنەن قالادان شىعارۋىن سۇراپ تۇرعان جۇرگىزۋشى
سانيتارلىق-ەپيدەميولوگيالىق بەكەتتىڭ كەزەكشىلىكتەگى قىزمەتكەرى
قالا بويىنشا شىعۋ-كىرۋگە قويىلعان شەكتەۋ قاشان الىناتىنى ازىرگە بەلگىسىز. بۇگىندە 57 قازاقستان ازاماتىنان كوروناۆيرۋس انىقتالدى. ولاردىڭ 31ء-ى نۇر-سۇلتان، 23ء-ى الماتى، 2-ەۋى قاراعاندى قالاسىنىڭ، 1-ەۋى الماتى وبلىسىنىع تۇرعىنى.
پىكىر قالدىرۋ