قىزىلوردالىق پوليسەيلەر توتەنشە جاعداي رەجيمىن بۇزعان ءتورت كافە يەسىن جاۋاپقا تارتتى، دەپ حابارلادى Polisia.kz .  

ەلدەگى كوروناۆيرۋسقا بايلانىستى تۇنگى رەيدتە وبلىس بويىنشا 303-كە جۋىق كافە-مەيرامحاناعا تەكسەرۋ جۇرگىزىلدى. تەكسەرۋ بارىسىندا 4 كافە يەسى ەنگىزىلگەن توتەنشە جاعداي رەجيمىنە قاراماستان ءوز جۇمىسىن جالعاستىرعانى انىقتالدى. 2 كافە وبلىس ورتالىعىندا، 2 كافە جاڭاقورعان اۋدانىندا ءتارتىپتى بۇزىپ جۇىس ىستەگەن.

اتالعان مەكەمەلەردىڭ اكىمشىلىگىنە ق ر اكىمشىلىك قۇقىق بۇزۋشىلىق تۋرالى كودەكسىنىڭ 476-بابىنا ساي “توتەنشە جاعداي رەجيمىن بۇزۋ” اكىمشىلىك حاتتامالارى تولتىرىلدى. ءتيىستى شارا قولدانۋ ءۇشىن جيناقتالعان قۇجاتتار سوتقا جولداندى.

پوليسيا دەپارتامەنتىنىڭ حابارلاۋىنشا، ءىرى ساۋدا نىساندارىنىڭ جۇمىس ىستەۋ ۋاقىتىنا 10.00 مەن 18.00، ال كيىم-كەشەك ساتاتىن بازارلار ءۇشىن 11.00-دەن 17.00-گە دەيىن شەكتەۋ ەنگىزىلدى. ءدامحانا مەن مەيرامحانالارعا كەلۋشىلەردىڭ سانى 50 ادامنان اسپاۋى ءتيىس جانە قابىلداۋ ۋاقىتى 22.00-گە دەيىن.

اتالعان شەكتەۋلەردى ورىنداماعانى ءۇشىن ق ر اكىمشىلىك قۇقىق بۇزۋشىلىق تۋرالى كودەكسىنىڭ “توتەنشە جاعداي رەجيمىن بۇزۋ” تۋرالى 476-بابى بويىنشا 10 اەك ايىپپۇل نەمەسە 15 تاۋلىككە قاماۋ تۇرىندە جازا كوزدەلگەن. بيلىك وكىلدەرىنىڭ زاڭدى تالاپتارىنا باعىنباعانى ءۇشىن ءتارتىپ بۇزۋشىلارعا ق ر قىلمىستىق كودەكسىنىڭ 379-بابى بويىنشا 2000 اەك كولەمىندە ايىپپۇل نەمەسە 2 جىلعا باس بوستاندىعىنان ايىرۋ جازاسى تاعايىندالادى.

وسىعان وراي، پوليسيا قىزمەتكەرلەرى قۇقىق قورعاۋ ورگاندارىنىڭ ءىس- ارەكەتتەرىنە تۇسىنىستىكپەن قاراۋدى جانە توتەنشە جاعداي كەزىندە ازاماتتاردىڭ قاۋىپسىزدىگى مەن ءتارتىبىن قامتاماسىز ەتۋگە بايلانىستى قاجەتتى شەكتەۋلەرگە نازار اۋدارۋدى سۇرايدى.