الماتىنىڭ پوليسيا دەپارتامەنتى قالا ماڭىن ارالاپ، كارانتيننىڭ شارتتارىن ءتۇسىندىرۋ جۇمىستارىن جۇرگىزۋدى قولعا الدى، دەپ حابارلايدى Qamshy.kz اقپارات اگەنتتىگى Polisia.kz دەرەگىن نەگىزگە الىپ.
دەپارتامەنت مالىمەتىنشە، بۇل توتەنشە جاعداي كەزىندەگى قوعامدىق ءتارتىپ ساقتاۋعا جانە حالىقتى اقپاراتتاندىرۋ ءۇشىن ماڭىزدى.
"ءىرى بلوكپوستاردا داۋىس كۇشەيتكىشتەر جۇمىس ىستەيدى. ولاردىڭ كومەگىمەن ازاماتتار جەكە قاۋىپسىزدىك شارالاردى، سانيتارلىق-گيگيەنالىق نورمالاردى ساقتاۋ تۋرالى، جۇك كولىگىنىڭ بلوكپوست ارقىلى ءوتۋى ءۇشىن قاجەتتى قۇجاتتار تىزبەسى تۋرالى، توتەنشە جاعداي ەرەجەلەرىن بۇزعانى ءۇشىن جانە بيلىك وكىلدەرىنە باعىنباعانى ءۇشىن كوزدەلگەن جاۋاپكەرشىلىك تۋرالى، سونداي-اق ازاماتتار قالاعا سىياقى ءۇشىن جول جۇرۋگە ۋادە بەرگەن ادامداردىڭ زاڭسىز ارەكەتتەرى تۋرالى حابارلاي الاتىن كەرى بايلانىس ارنالارى تۋرالى اقپاراتتاندىرىلادى" دەپ حابارلايدى قالالىق پوليسيا دەپارتامەنتى.
پىكىر قالدىرۋ