الماتىداعى عابيت مۇسىرەپوۆ تەاترى ءوز قويلىمدارىن ونلاين رەجيمدە ۇسىنا باستادى، دەپ حابارلايدى Qamshy.kz اقپارات اگەنتتىگى.
بۇل تۋرالى تەاتردىڭ facebook پاراقشاسىندا حابارلانىپ، اتالعان ۇجىمنىڭ بۇنداي قادامعا بارۋىنا شاھاردىڭ تولىق كارانتينگە جابىلۋى سەبەپ بولعانى دا ايتىلعان.
"قۇرمەتتى وقىرماندارىمىز، كورەرمەندەرىمىز! الماتى قالاسىندا كارانتينگە بايلانىستى عابيت مۇسىرەپوۆ تەاترىنىڭ قويىلىمدارىن ونلاين رەجيمدە وزدەرىڭىزگە ۇسىنىپ وتىرمىز. كارانتين ۋاقىتىندا ۇيدە وتىرىپ، وزىڭىزگە ىڭعايلى ۋاقىتتا سۇيىكتى تەاترىڭىزدىڭ سۇيىكتى قويىلىمدارىن "YOU TUBE" الەۋمەتتىك جەلىسىنەن تاماشالاۋعا شاقىرامىز" دەلىنگەن حابارلامادا.
"تاماشالاۋ" دەمەكشى، تەاتر رەپەرتۋارىنداعى ۇسىناتىن سپەكتاكلدەر ءتىزىمى دە جاريالانعان بۇل رەتتە. ايتالىق، بۇل قاتاردا "ەر كوجەك" - (مۋزىكالىق ەرتەگى) اۆت. ءو.بورانبايەۆ، "ەستايدىڭ قورلانى" - (ماحاببات-ناما) اۆت. يران-عايىپ، "ماحاببات حاتتارى" - (دراما) اۆت. ا.گەرني جانە م.گوركييدىڭ "شىڭىراۋ" سىندى درامالارى بار.
وسىلايشا، تەاتر جوعارىدا اتالعان تۋىندىلاردىڭ ىشىندە جانىڭىز قالاعان قويىلىمدى ونلاين ۇسىنۋعا دايىن ەكەندەرىن جەتكىزەدى.
پىكىر قالدىرۋ