يۋننان پروۆينسياسىنىڭ تۇرعىنى اۆتوبۋستا كەتىپ بارا جاتقاندا ونىڭ جاعدايى كۇرت ناشارلاپ، ارتىنشا قايتىس بولعان، دەپ حابارلايدى Qamshy.kz اقپارات اگەنتتىگى.
قىتايلىق اقپارات كوزدەرىنىڭ مالىمدەۋىنشە، دارىگەرلەر ەر ازاماتتىڭ حانتاۆيرۋستىق كارديوپۋلمالدى سيندرومعا شالدىققانىن انىقتاعان. بۇل اۋرۋدىڭ تۋۋىنا حانتاۆيرۋس دەپ اتالاتىن وتە ءقاۋىپتى سانالاتىن ينفەكسيا سەبەپشى بولعان.
ءقازىر قازا بولعان جولاۋشىمەن بىرگە اۆتوبۋستا بولعان 32 جولاۋشى تۇگەل كارانتينگە جابىلدى دەلىنگەن.
وسى رەتتە قىتايلىق دارىگەرلەر اتالعان اۋرۋدىڭ نەگىزگى تاراتۋشىلارى كەمىرگىشتەر ەكەنىن دە اتاعان.
ەڭ قيىنى، ۆيرۋس اۋامەن تەز تارالىپ، تىنىس الۋ جولدارىنا زاقىم كەلتىرەدى. بۇل ىندەتكە كەز كەلگەن ادام تاپ بولۋى مۇمكىنگى جوعارى ەكەنى دە ايتىلۋدا.
العاشقى بەلگىلەرى: باس اۋرۋى، السىزدىك، جوتەل، اس قورىتۋدىڭ بۇزىلۋى، جۇرەك اينۋ. قازىرگى تاڭدا حانتاۆيرۋستىڭ ناقتى ەمى جوق بولىپ وتىرعانعا ۇقسايدى.
پىكىر قالدىرۋ