قازاقستاندا 64 جاستاعى ايەلدىڭ كوروناۆيرۋستان كوز جۇمعانىنا قاتىستى جاڭا مالىمەتتەر جاريالاندى. بۇل تۋرالى اقمولا وبلىسى دەنساۋلىق ساقتاۋ باسقارماسىنىڭ باسشىسى سۇلەن يلياسوۆ بريفينگتە ايتتى. 

ايەلدىڭ ولىمىنە ەكى جاقتى پنيەۆمونيا، تىنىس جەتىسپەۋشىلىگى، قانت ديابەتى سالدارىنان بولعان سەپسيس، گيپەرتونيا جانە اتەروسكلەروز سەبەپ بولعان. پنيەۆمونيانىڭ سەبەبى – كوروناۆيرۋس.

– ناۋقاس مەديسينالىق مەكەمەگە 25 ناۋرىز كۇنى ساعات 07:00-دە اۋىر جاعدايدا جەتكىزىلگەن. وندا تىنىس الۋ جەتكىلىكسىزدىگى، ينتوكسيكاسيا سيندرومى جانە سونىمەن قاتار جۇرەتىن پاتولوگيالار بولعان. الگوريتمگە سايكەس، COVID-19 بولۋى مۇمكىن دەگەن كۇدىكپەن جرۆي-گە الدىن الا توتەنشە حابارلاما بەرىلگەن. ول №2 كوپسالالى وبلىستىق اۋرۋحانانىڭ وقشاۋلانعان بولمەسىنە جاتقىزىلعان. تۋىستارىنىڭ ايتۋىنشا، ول شەتەلگە شىقپاعان جانە جرۆي، كوروناۆيرۋس دەرتىنە شالدىققاندارمەن بايلانىستا بولماعان. 13-17 ناۋرىز ارالىعىندا الماتىدا جانە شۋدا قوناقتا بولعان، – دەدى سۇلەن ءىلياسوۆ.

ونىڭ ايتۋىنشا، ناۋقاسپەن بايلانىستا بولعان ادامدار وقشاۋلانىپ، ولاردان كوروناۆيرۋس سىنامالارى الىنعان.

– 13-17 ناۋرىزدا الماتى مەن شۋ قالالارىندا قوناقتا بولعان. ەپيدەمياعا قارسى بارلىق جۇمىس جۇرگىزىلىپ جاتىر. اقمولا وبلىسىندا كوروناۆيرۋستان العاشقى ءولىم تىركەلدى، – دەدى ول.

سۇلەن ءىلياسوۆ كوروناۆيرۋستان كوز جۇمعان ايەلدىڭ جاقىندارىنا كوڭىل ايتتى.

ەسكە سالا كەتەيىك، كەشە اقپارات جانە قوعامدىق دامۋ ءمينيسترى داۋرەن ابايەۆ كوروناۆيرۋس ىندەتىنەن ءبىر ناۋقاس قايتىس بولعانعانىن حابارلاعان بولاتىن.