قازاقستان جازۋشىلار وداعىنىڭ مۇشەسى، «الاش» حالىقارالىق سىيلىعىنىڭ لاۋرەاتى، بەلگىلى اقىن، «اقيقات» جۋرنالىنىڭ باس رەداكتورى امانحان ءالىم ۇلى قايتىس بولدى. 

ول 1952 جىلى 20 قاڭتاردا تۇركىستان وبلىسى، وتىرار اۋدانى، قوجاتوعاي اۋىلىندا تۋعان. 1969 جىلى سول اۋىلداعى امانگەلدى اتىنداعى ورتا مەكتەپتى بىتىرگەن.

1975 جىلى قازۇۋ-دىڭ جۋرناليستيكا فاكۋلتەتىنە وقۋعا ءتۇسىپ، 1981 جىلى بىتىرەدى. وقۋدى بىتىرگەننەن سوڭ، 1981-1989 جىلدار ارالىعىندا رەسپۋبليكالىق ب ا ق «قازاقستان پيونەرى» («ۇلان»)، «لەنينشىل جاس» («جاس الاش»)، «قازاق ادەبيەتى»، «تۇركىستان» جانە «قازاق راديوسىندا» قىزمەت ەتتى.

1991-1993 جىلدار ارالىعىندا ماسكەۋدەگى م.گوركيي اتىنداعى ادەبيەت ينستيتۋتىنىڭ جانىنداعى جوعارعى كۋرسىنىڭ كۇندىزگى بولىمىندە وقيدى. 1994-2012 جىلدار ارالىعىندا «زاڭ گازەتىندە» جاۋاپتى حاتشى جانە شولۋشى بولىپ قىزمەت ەتتى.

امانحان ءالىم ۇلى قازاقستان رەسپۋبليكاسىنىڭ «مادەنيەت قايراتكەرى»، م.ماقاتايەۆ اتىنداعى سىيلىقتىڭ لاۋرەاتى (الاش» سىيلىعىنىڭ)، «جاندوس» اتىنداعى سىيلىقتىڭ يەگەرى بولعان. وڭتۇستىك قازاقستانعا ەڭبەگى سىڭگەن مەدالىمەن،  «ۇلت پاتريوتى» گراموتاسىمەن ماراپاتتالعان.

«وتكىردىڭ ءجۇزى»، «اينۇرى الاقانىمدا»، «جانىمنىڭ جاپىراعى»، «بەس قوڭىراۋ»، «كەزدەسۋ» سەكىلدى بىرنەشە پۋبليسيستيكالىق جانە ولەڭدەر جيناعى شىققان. «اتاقونىس» اتتى جىر-جيناعى جارىققا شىققان.