بقل تۋرالى پارتيا ءتوراعاسىنىڭ ءبىرىنشى ورىنباسارى باۋىرجان بايبەك instagram جەلىسىندەگى پاراقشاسىندا حابارلادى.
"مەملەكەت باسشىسىنىڭ باستاماسىمەن قولعا الىنعان «ءبىز بىرگەمىز» اكسياسىنىڭ اياسىندا ەلباسىنىڭ تاپسىرماسى بويىنشا «Nur Otan» پارتياسى حالىقتىڭ الەۋمەتتىك ءالسىز توپتارىنا كوروناۆيرۋسپەن كۇرەس كەزىندە قولداۋ كورسەتۋدى جالعاستىرۋدا.
بۇگىنگى كۇنى 18 مىڭداي وتباسىعا، ونىڭ ىشىندە جالعىز باستى قارتتارعا، ەرەكشە قاجەتتىلىكتەرى بار ازاماتتارعا جانە باسقالارىنا كومەك كورسەتىلدى.
⠀
مۇقتاج جاندارعا ءبىرىنشى كەزەكتە قاجەت تاۋارلاردى بايلانىسسىز جەتكىزىپ بەرۋدى توقتاتپاۋ ءۇشىن ەلوردا مەن الماتىدا ۆولونتەرلارىمىزدى بيولوگيالىق قورعانىس كوستيۋمدەرىمەن قامتاماسىز ەتۋدەمىز. مۇنداي قورعانىس قۇرالدارى باسقا قالالارداعى ۆولونتەرلاردا دا بولۋى ءتيىس" دەلىنگەن جازبادا.
ايتا كەتەيىك، مەملەكەت باسشىسىنىڭ تاپسىرماسىنا سايكەس، «Nur Otan» وسىعان دەيىن پارتيالىق باقىلاۋ كوميسسياسى مەن ايماقتارداعى سىبايلاس جەمقورلىققا قارسى ءىس-قيمىل جونىندەگى قوعامدىق كەڭەستەردىڭ جۇمىسىن كۇشەيتكەن ەدى.
«Nur Otan» پارتياسى مۇنىڭ ازاماتتاردىڭ وتىنىشتەرىنە جاۋاپ بەرمەيتىن، سونداي-اق، ب ا ق پەن الەۋمەتتىك جەلىلەردە تۇرعىندار كوتەرگەن ماسەلەلەر بويىنشا وزدەرىنە جاۋاپكەرشىلىك الىپ، دەر كەزىندە ءتيىستى شەشىمدەر قابىلدامايتىن لاۋازىمدى تۇلعالارعا قاتىستى ايتىلىپ وتىرعانىن ءتۇسىندىردى.
باسپاسوز-قىزمەتىنىڭ مالىمەتىنشە، ازاماتتاردىڭ وتىنىشتەرىنە جەدەل جاۋاپ بەرۋ ءۇشىن بۇدان بولەك Call-ورتالىق پەن «Nur Otan» پارتياسىنىڭ قوعامدىق قابىلداۋلارىنداعى ونلاين-جۇيەلەردىڭ جۇمىسى كۇشەيتىلدى.
Call-ورتالىق: 8 800 080 44 41
ەلەكتروندى پوشتا: komek@nurotan.kz
WhatsApp: 8 700 800 44 41
FB: https://www.facebook.com/profile.php؟id=100034706720426
Instagram: https://www.instagram.com/halykkakomek/
پىكىر قالدىرۋ