قازاقستاننىڭ دەنساۋلىق ساقتاۋ مينيسترلىگى 1 ءساۋىر ساعات 11.45-تە قىزىلوردا وبلىسىندا التى ادامنان كوروناۆيرۋس تابىلعانىن حابارلادى. وسىلايشا بۇل وڭىردە ۆيرۋس جۇقتىرعان سانى 24 ادامعا جەتتى.
قىزىلوردا وبلىسى – ۆيرۋس جۇقتىرعاندار سانى جاعىنان نۇر-سۇلتان جانە الماتى قالاسىنان كەيىن ءۇشىنشى ورىندا تۇر. كەشە بۇل وبلىستاعى جاڭاقورعان اۋدانىنىڭ 10 تۇرعىنان كوروناۆيرۋس تابىلعان. ولاردىڭ سەگىزى – ءبىر وتباسىنىڭ مۇشەسى.
سوڭعى دەرەك بويىنشا، ەلدە بارلىعى 369 ادام كوروناۆيرۋس جۇقتىرعان. ءۇش ادام ۆيرۋستان كوز جۇمدى، 24 ادام ىندەتتەن جازىلىپ شىقتى.
پىكىر قالدىرۋ