الماتى اكىمىنىڭ ءبىرىنشى ورىنباسارى ەرلان قوجاعاپانوۆ بريفينگ بارىسىندا "كارانتين قاشان اياقتالادى؟"دەگەن سۇراققا جاۋاپ بەردى.

– ءبىز ازىرگە كارانتيننىڭ قاشان اياقتالاتىنىن ايتا المايمىز. ول شتابتىڭ شەشىمىنە بايلانىستى. وزدەرىڭىز بايقاپ وتىرسىزدار، ەلىمىزدە ينفەكسيا جۇقتىرۋ كورسەتكىشى ءوسىپ بارادى. مەملەكەت باسشىسى وتە ماڭىزدى شەشىم قابىلدادى. قازاقستاندا 3،5 ملن ادام تابىسىنان ايرىلىپ قالدى. ولاردى ازىق تۇلىكپەن قامتۋعا، تۇراقتىلىقتى ساقتاۋعا قاراجات ءبولىنىپ جاتىر. كوپتەگەن كاسىپورىندار مەن جۇمىس ورىندارى سالىقتان بوساتىلدى، – دەدى ە.قوجاعاپانوۆ.

بۇعان دەيىن الماتى قالالىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ الماتىدا تۇرعىندار كارانتين تالاپتارىن بۇلجىتپاي ورىنداسا، كوروناۆيرۋستىڭ تارالۋى جاقىن ارادا تومەندەيتىنىن حابارلاعان.