اقتوبە وبلىسىندا جۇمىسپەن قامتۋ ءۇشىن 33 ملرد. تەڭگە ءبولىندى.
اقتوبە وبلىسىندا توتەنشە جاعداي ۋاقىتىندا جۇمىسپەن قامتۋدىڭ جول كارتاسى ءۇشىن رەسپۋبليكالىق بيۋدجەتتەن 33 ملرد تەڭگە ءبولىندى. ءبۇل تۋرالى وبلىستىق ماسليحاتتىڭ كەزەكتەن تىس سەسسياسىندا ءمالىم بولدى.
وبلىس اكىمى وڭداسىن ورازالين قاتىسقان وبلىستىق ءماسليحات وتىرىسىندا الەۋمەتتىك نىسانداردىڭ قۇرىلىسى ءۇشىن 5 ملرد تەڭگە بولىنەتىنى بەلگىلى بولدى. تۇرعىن ءۇي كوممۋنالدىق شارۋاشىلىقتارىن سالۋ جانە قايتادان جاڭارتۋ ءۇشىن 7 ملرد تەڭگەدەن استام قارجى بولىنبەك. وبلىستاعى اۆتوموبيل جولدارىن سالۋ جانە قايتا جاڭارتۋ، كۇردەلى جوندەۋدەن وتكىزۋ ءۇشىن 20 ملرد بولىنەدى. ونىڭ ىشىندە اقتوبە قالاسىنىڭ جولدارىنا 14 ملردقا جۋىق قارجى انىقتالدى. بۇل جۇمىستاردىڭ بارلىعى 2020-2022 جىلدارعا ارنالعان وبلىستىق بيۋدجەتتى ناقتىلاۋ جوباسى اياسىندا جۇزەگە اسادى.
پىكىر قالدىرۋ