تۇركىستان وبلىسىنىڭ اكىمدىگى بۇگىن تاعى دا 3 ادام كوروناۆيرۋس ىندەتىن جۇقتىرعانىن حابارلادى.
ۆيرۋس جۇقتىرعان ناۋقاستىڭ ءبىرى 1992 جىلى تۋعان، سايرام اۋدانى قوسبۇلاق اۋىلىندا دۇنيەگە كەلگەن. ونىڭ بۇرىن بىرىككەن اراب امىرلىكتەرىنەن كەلگەن ازاماتپەن بايلانىستا بولعانى انىقتالدى.
كوروناۆيرۋس ينفەكسياسى 1991 جىلى تۋعان تاعى ءبىر ايەلدە جانە 2019 جىلى تۋعان بالادا انىقتالعان. ولار نۇر-سۇلتاننان پوەزبەن كەلگەن ازاماتشامەن جاقىن بايلانىستا بولعان.
ۆيرۋس جۇقتىرعاندار قازىرگى ۋاقىتتا وقشاۋلانىپ، ەم قابىلداۋدا. اتالعان ازاماتتارمەن بايلانىستا بولعانداردى انىقتاپ، وقشاۋلاۋ جۇمىسى جۇرگىزىلىپ جاتىر.
بۇگىندە وڭىردە كوروناۆيرۋس ىندەتىمەن جالپى 19 ادام تىركەلگەن.
پىكىر قالدىرۋ