اقتوبە وبلىسى اكىمدىگى تابيعي مونوپوليالاردى رەتتەۋ كوميتەتىنىڭ اقتوبە وبلىسى بويىنشا دەپارتامەنتىمەن بىرىگىپ تۇرعىندار ءۇشىن كوممۋنالدىق قىزمەتتەردىڭ ءتاريفىن تومەندەتۋدى باستادى. اقتوبە وبلىسى اكىمدىگى تابيعي مونوپوليالاردى رەتتەۋ كوميتەتىنىڭ اقتوبە وبلىسى بويىنشا دەپارتامەنتىمەن بىرىگىپ تۇرعىندار ءۇشىن كوممۋنالدىق قىزمەتتەردىڭ ءتاريفىن تومەندەتۋدى باستادى.
بۇل جۇمىس مەملەكەت باسشىسى تاپسىرعان حالىقتى الەۋمەتتىك قولداۋ جانە قارجىلىق اۋىرتپاشىلىقتى تومەندەتۋ بويىنشا قابىلدانىپ جاتقان شارالار شەڭبەرىندە جاسالىپ جاتىر.
كوممۋنالدىق قىزمەتتەردىڭ ءتاريفى ناۋرىز ايىنان باستاپ تومەندەيدى. ونىڭ ىشىندە «اقبۇلاق» اكسيونەرلىك قوعامىنىڭ قىزمەتى قالا بويىنشا 20 پايىزعا ارزاندايدى. ال ەلەكتر جارىعى ءۇشىن اقتوبەلىكتەر 10 پايىزعا از تولەم جاسايتىن بولادى. سونداي- اق اۋدان ورتالىقتارىندا ءبىرقاتار كوممۋنالدىق قىزمەت كورسەتەتىن مەكەمەلەر ءوز تاريفتەرىن 50 پايىزعا دەيىن ارزانداتتى. شالقار، العا، مۇعالجار، كەڭكياق ەلدى مەكەندەرىندە كوممۋنالدىق قىزمەتتەر ءبىرقاتار ارزاندايدى. اتاپ ءوتۋ قاجەت، سۋمەن جابدىقتاۋ قىزمەتى بويىنشا ءبىرقاتار اۋدانداردا تۇراقتى تۇردە ەرەكشە ماڭىزى بار توپتىق جانە لوكالدىق سۋمەن جابدىقتاۋ جۇيەلەرى ارقىلى سۋ بەرۋ باعدارلاماسى شەڭبەرىندە، مەملەكەتتىك سۋبسيديالاندىرۋ قولدانىلادى.
سوندىقتان، كورسەتىلگەن تومەندەتۋلەر ولارعا قولدانىلمايدى. سونىمەن قاتار، وسىعان دەيىن كوممۋنالدىق قىزمەتتەر كورسەتەتىن بارلىق سۋبەكتىلەرگە، بەرەشەك تۋىنداعان جاعدايدا، قىزمەت كورسەتۋدى توقتاتپاۋ تۋرالى ۇسىنىم جالدانعان بولاتىن.
پىكىر قالدىرۋ