قىزىلوردا وبلىسىندا كوروناۆيرۋس جۇقتىرعان جۇكتى ايەل بوسانىپ الدى. بۇل اقپاراتتى قازاقستان دەنساۋلىق ساقتاۋ ءمينيسترىنىڭ ورىنباسارى ءلاززات اقتايەۆا Facebook پاراقشاسىندا جازدى.

ونىڭ جازۋىنشا، جۇكتى ايەل 8 ساۋىردە پەرزەنتحاناعا تولعاق قىسىپ تۇسكەن كەزدە  جربي سيمپتومدارى بولعان. كەيىن ودان كوروناۆيرۋس انىقتالعان.

"بالا امان-ەسەن تۋدى. سالماعى – 2970 گرامم، بويى – 51 سم. ءسابيدىڭ جاعدايى ءبىرقالىپتى. Covid-19 ءاناليزى الىندى. ايەل Covid-19 ىندەتىنەن ەمدەلۋ ءۇشىن ينفەكسيا ستاسيونارىنا اۋىستىرىلدى. ال ايەلدى بوساندىرعان دارىگەرلەر ەكى اپتا ءۇي كارانتينىنە جىبەرىلدى" دەپ جازدى ۆيسە-مينيستر.

قازاقستاندا بۇعان دەيىن دە ەكى قابات ايەلدەن كوروناۆيرۋس تابىلعان. ول الماتى وبلىسىندا ەمدەلىپ جاتىر.

قىزىلوردا وبلىسىن – قازاقستانداعى كوروناۆيرۋستان ەڭ قاتتى زارداپ شەگىپ جاتقان وڭىرلەردىڭ ءبىرى. ءقازىر بۇل وبلىستا  كوروناۆيرۋس جۇقتىرعاندار سانى 100-گە جەتكەن.

سوڭعى اقپارات بويىنشا، قازاقستاندا 781 ادامنان ۆيرۋس تابىلعان. ولاردىڭ 60-ى جازىلىپ شىقتى، سەگىزى ۆيرۋستان كوز جۇمدى.